• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قرض نہ دینے پر تاجر نے بینک کو ہی آگ لگادی

تازہ ترین
دلچسپ و عجیب
22 جنوری ، 2022
قرض نہ دینے پر تاجر نے بینک کو ہی آگ لگادی

جنوبی بھارت کی ریاست کرناٹک میں ایک تاجر نے قرض دینے سے انکار کرنے پر بینک برانچ کو ہی آگ لگادی، جس پر اسے پولیس نے گرفتار کرلیا۔

پولیس کے مطابق اس نے اپنے چہرہ چھپاکر اور ہاتھوں میں دستانے پہن کر  رات گئے تقریباً دو بجے کے قریب شیشے کی کھڑکیاں توڑ کر بینک کے اندر پٹرول پھینکا اور آگ لگادی۔

انڈونیشی طالب علم نے مذاق ہی مذاق میں 12 لاکھ ڈالر کمالیے

انڈونیشیا میں ایک طالب علم کی تقدیر اس وقت بدل گئی جب اس نے سیلفیز کے ایک کلیکشن کو نان فنجیبل ٹوکنز میں تبدیل کرکے اس سے بارہ لاکھ ڈالر کمالیے، اسکی وجہ یہ تھی کہ وہ اسے مزاح پر مبنی چیز سمجھ رہا تھا۔

کرناٹک کے ہاویری ڈسٹرکٹ پولیس کا مزید کہنا ہے کہ 33 سالہ ملزم کو اسے ہفتے گرفتار کرلیا گیا۔

پولیس کے مطابق ملزم گجرات سے ویونگ مشینیں خرید کر انھیں ضلع ہاویری میں فروخت کرتا تھا اور اس نے کافی خواتین سے رقوم لے رکھی تھیں لیکن مشینوں کی خریداری سے قبل اس نے رقم خرچ کردی۔

جب خواتین نے مطالبہ کیا کہ یا تو وہ انھیں مشین دے یا پھر رقم واپس کرے، جس پر اس نے دو لاکھ روپے کے قرض کے لیے بینک سے رابطہ کیا۔

بینک منیجر نے اس سے جب مطلوبہ دستاویزات طلب کیں تو وہ نہ دے سکا جس پر اس کی درخواست مسترد ہوگئی، جس کے بعد اس نے یہ اقدام اٹھایا۔

دلچسپ و عجیب سے مزید