پی ایس ایل 7 کیلئے ٹیموں کی پریکٹس شروع

پاکستان سپر لیگ (پی ایس ایل) سیون کے لیے ٹیمیں آج سے کراچی میں پریکٹس کررہی ہیں۔

پشاور زلمی اور کوئٹہ گلیڈی ایٹرز کے کھلاڑی کچھ دیر میں پریکٹس کریں گے جبکہ لاہور قلندرز اور اسلام آباد یونائیٹڈ کا شام ساڑھے 7 بجے پریکٹس سیشن شیڈول ہے۔

اس کے علاوہ کراچی کنگز اور ملتان سلطانز کی ٹیمیں معین خان اکیڈمی میں پریکٹس کریں گی۔

پاکستان سپر لیگ کیلئے پی سی بی کے سخت حفاظتی پروٹوکولز

پاکستان کرکٹ بورڈ (پی سی بی) نے پاکستان سپر لیگ کے لیے حفاظتی پروٹوکولز جاری کردیے۔

پی ایس ایل کی کسی بھی فرنچائزز کو 20 جنوری کے بعد جوائن کرنے والے کھلاڑی آئسولیشن مکمل کریں گے ، تین روزہ روم آئسولیشن مکمل کرنے کے بعد کھلاڑی ٹریننگ کر سکیں گے۔

خیال رہے کہ پی ایس ایل سیون کا آغاز 27 جنوری کو کراچی سے ہوگا۔