بھارت ون ڈے سیریز کیوں ہارا؟

بھارت کے ہیڈ کوچ راہول ڈریوڈ نے تسلیم کر لیا کہ ان کا ون ڈے اسکواڈ متوازن نہیں تھا۔

بھارتی میڈیا کے مطابق راہول ڈریوڈ کا کہنا ہے کہ ہاردک پانڈیا اور رویندرا جدیجا کے بغیر ہمارے ون ڈے اسکواڈ میں توازن کا فقدان تھا۔

انہوں نے کہا کہ دونوں بلے باز بالترتیب 6 اور 7 نمبر پر اپنی آل راؤنڈر صلاحیتوں کو انجام دینے کے لیے دستیاب نہیں تھے۔

بھارت کو وائٹ واش کرنے پر تبریز شمسی خوش

جنوبی افریقا کے کھلاڑی تبریز شمسی نے کہا ہے کہ بھارتی کرکٹ ٹیم کے خلاف سیریز میں ہمیشہ ایک بہت بڑے چیلنج کا سامنا کرنا پڑتا ہے

خیال رہے کہ جنوبی افریقا نے بھارت کو ون ڈے سیریز میں وائٹ واش کردیا، تین میچوں کی سیریز میں مہمان ٹیم کو شکست کا سامنا کرنا پڑا۔

اس سے قبل میزبان ٹیم نے ٹیسٹ سیریز میں بھی دو، ایک سے کامیابی حاصل کی تھی۔