پریانکا چوپڑا اور نک جونس نے بیٹی کیلئے عالی شان گھر خرید لیا

عالمی شہرت یافتہ بھارتی اداکارہ پریانکا چوپڑا اور اُن کے شوہر، اداکار نک جونس نے بیٹی کے لیے عالی شان گھر خرید لیا ہے۔

بین الااقوامی میڈیا کی رپورٹ کے مطابق، پریانکا چوپڑا اور نک جونس کے قریبی ذرائع نے دعویٰ کیا ہے کہ یہ جوڑی کافی عرصے سے اپنے خاندان کو بڑھانے کے بارے میں سوچ رہی تھی اور اس حوالے سے انہوں نے 2019 میں لاس انجلیس میں ایک مینشن بھی خریدا تھا‘۔

ذرائع نے یہ بھی بتایا کہ پریانکااور نِک نے بچی کی ضروریات کے مطابق اس گھر کی تزئین و آرائش میں مہینوں گزارے۔

رپورٹ میں مزید بتایا گیا ہے کہ جب اس جوڑے نے یہ گھر خریدا تو ان کے ذہن میں بچوں کا خیال  تھا اور اس کے لیے  انہیں ایک ایسی جگہ کی ضرورت تھی جس میں کُھلی جگہ اور ہریالی ہو۔

پریانکا ہمیشہ زیادہ بچوں کی خواہش کرتی تھیں: کزن میرا چوپڑا

حال ہی میں سروگیسی کے ذریعے ننھی پری کی والدہ بننے والی عالمی شہرت یافتہ بالی ووڈ اداکارہ پریانکا چوپڑا کی کزن میرا چوپڑا نے انکشاف کیا ہے کہ اداکارہ کو ہمیشہ سے ہی زیادہ بچوں کی خواہش تھی۔

خیال رہے کہ تین روز قبل انسٹاگرام پر پریانکا چوپڑا اور نک جونس نے خوشی کے ساتھ سروگیسی کے ذریعے والدین بننے کا اعلان کیا تھا۔

جوڑے کی بچی کی پیدائش ساؤتھرن کیلیفورنیا اسپتال میں ہوئی ، بچی کی حالت مستحکم ہے اور وہ والدین کے ساتھ گھر جانے کے لیے بھی تیار ہے۔

واضح رہے کہ پریانکا چوپڑا نے 2018 میں امریکی گلوکار نک جونس سے شادی کی تھی۔ پریانکا اپنے شوہر سے عمر میں 10 سال بڑی ہیں۔