شہباز، ترین کیسز کی تحقیقات کرنیوالے 5 افسران کے تبادلے منسوخ

02 فروری ، 2022

وفاقی تحقیقاتی ادارے (ایف آئی اے) نے شہباز شریف اور جہانگیر ترین کے کیسز کی تحقیقات کرنے والے 5 ایف آئی اے افسران کے تبادلے منسوخ کر دیئے ہیں۔

ایف آئی اے کے ڈائریکٹر نے افسران کے تبادلے کی منسوخی کا نوٹیفکیشن جاری کیا۔

واضح رہے کہ وزیر اعظم کے مشیر برائے احتساب شہزاد اکبر کے استعفیٰ دینے کے بعد ڈی جی ایف آئی اے نے معروف اور اہم ترین کیسوں جن میں شوگر اور منی لانڈرنگ کے کیس بھی شامل ہیں، کی تحقیقات کرنے والے ایف آئی اے کے افسران کو ایک روز قبل تبدیل کر دیا گیا تھا۔

جن افسران کے تبادلے منسوخ کئے گئے ان میں اسسٹنٹ ڈائریکٹر سید علی مردان شاہ ، اسسٹنٹ ڈائریکٹر ارشد بٹ، اسسٹنٹ ڈائریکٹر زوار احمد ، اسسٹنٹ ڈائریکٹر شیراز عمر اور اسسٹنٹ ڈائریکٹر رانا فیصل منیر کے نام شامل ہیں۔

قومی خبریں سے مزید