روسی پارلیمنٹ ڈوما کے اسپیکر کا کہنا ہے کہ مغرب میں جائیداد بنانے والے روسی شہریوں نے سنگین ترین غلطی کی۔

ایک بیان میں روسی پارلیمنٹ ڈوما کے اسپیکر نے کہا ہے کہ مغرب میں نجی جائیداد کا مالک ہونے کا افسانہ اصل روپ میں سامنے آ گیا ہے۔

ان کا کہنا ہے کہ امریکا اور یورپ میں نجی پراپرٹی کے قانون کی اصل حقیقت بے نقاب ہو گئی، امریکا اور یورپ میں روسی شہریوں کی جائیداد ضبط ہونا واضح اقدام ہے۔

’’آزادی و حقوق کے خوبصورت تاثر کے غبارے سے ہوا نکل گئی‘‘

یوکرینی صدر پولش سرحد کے قریب منتقل

یوکرین کے صدر ولودومیر زیلنسکی پولش بارڈر کے قریب منتقل ہو گئے۔

بائیڈن کا یوکرینی صدر سے رابطہ

روس کے یوکرین پر حملے کے حوالے سے امریکی صدر جو بائیڈن نے یوکرین کے صدر ولودومیر زیلنسکی سے ٹیلی فون کے ذریعے رابطہ کیا ہے۔

اسپیکر ڈوما نے مزید کہا ہے کہ شہریت کی بنیاد پر امریکا اور یورپ میں بینک اکاؤنٹ منجمد کیے گئے، آزادی اور حقوق کے خوبصورت تاثر کے غبارے سے ہوا نکل گئی۔

’’پیوٹن نے 20 برس پہلے قوم کو خبردار کر دیا تھا‘‘

انہوں نے یہ بھی کہا ہے کہ صدر پیوٹن نے پابندیاں لگنے سے 20 برس پہلے قوم کو خبردار کر دیا تھا کہ مغرب میں جائیداد نہ بنائیں۔

واضح رہے کہ روس کے پڑوسی ملک یوکرین پر حملے کے بعد روسی حکمرانوں اور شہریوں کو امریکا، برطانیہ اور یورپ میں مختلف پابندیوں کا سامنا کرنا پڑ رہا ہے۔

روسی بینک و رہنما برطانوی پابندیوں کے نشانے پر

برطانیہ کی جانب سے یوکرین پر روس کے حملے کے بعد خود سر حکومتوں سے تعلق رکھنے والے لوگوں کی منی لانڈرنگ کے خلاف تیز ترین قانون تیار کیا گیا ہے۔

ڈونئیسک اور لوہانسک میں 14ہزار شہری قتل ہوئے: پیوٹن

روسی صدر ولادیمیر پیوٹن نے یوکرین پر الزام لگاتے ہوئے کہا ہے کہ 2014ء سے اب تک ڈونئیسک اور لوہانسک میں 14 ہزار شہریوں کو قتل کیا گیا، ان دونوں علاقوں میں 500 بچوں کو ہلاک یا معذور کیا گیا۔

نئے برطانوی قانون کے تحت پراپرٹی کے غیر ملکی مالکان کو کمپنیوں کو سامنے لانے کے بجائے اپنی شناخت ظاہر کرنا ہوگی۔

یہ قدم وزیراعظم بورس جانسن کی جانب سے روس پر لگائی جانے والی اقتصادی پابندیوں کے بعد اٹھایا گیا ہے۔

برطانیہ کی جانب سے روس پر لگائی جانے والی پابندیوں میں روس کے بینکوں اور رہنماؤں کو ٹارگٹ کیا گیا ہے۔

روس میں غیر ملکی اثاثے ڈکلیئر کرنے کا قانون منظور

دوسری جانب روس نے 14 مارچ سے 28 فروری 2023ء تک غیر ملکی اثاثے ڈکلیئر کرنے کا قانون منظور کر لیا۔

ویزا اور ماسٹر کارڈ کا روس میں آپریشن معطل

ادائیگی کی کمپنیوں ویزا اور ماسٹر کارڈ نے روس میں آپریشنز معطل کرنے کا اعلان کر دیا ہے۔

ویزا کارڈ کمپنی کے اعلان کے مطابق روس سے جاری ہونے والے کارڈ ملک سے باہر فعال نہیں ہوں گے، جبکہ دنیا بھر میں جاری ہونے والے کارڈ روس میں فعال نہیں ہوں گے۔

روس نے یوکرین پر حملہ کب کیا؟

یوکرین روس کو جنگ میں ہرا سکتا ہے: امریکی وزیرِ خارجہ

امریکی وزیرِ خارجہ انٹونی بلنکن کی جانب سے دعویٰ کیا گیا ہے کہ یوکرین روس کو جنگ میں ہرا سکتا ہے۔

گزشتہ ماہ 24 فروری کو روس نے اپنے پڑوسی ملک یوکرین پر حملہ کر دیا۔

اس دوران روس نے یوکرین کے شہر خیرسون پر قبضہ کر لیا، یہ جنگ یوکرینی دارالحکومت کیف تک پہنچ چکی ہے اور روسی فوج کیف میں داخل ہو چکی ہے۔

اب تک کی جنگ میں دونوں جانب کے سیکڑوں فوجی اور یوکرینی شہری ہلاک اور زخمی ہوئے ہیں، جبکہ یوکرین کے 2 اہم ایٹمی پلانٹ بھی شدید متاثر ہوئے ہیں۔

یوکرینی صدر کی نیٹو سے درخواست

یوکرین کے صدر ولودومیر زیلنسکی کی جانب سے نیٹو سے یوکرینی فضائی حدود کو نو فلائی زون قرار دینے کی درخواست بھی کی گئی۔

یوکرینی صدر نے نیٹو سے درخواست کرتے ہوئے کہا تھا کہ ابھی اقدام کریں، یوکرین کو شام میں تبدیل ہونے نہ دیا جائے۔

نیٹو نے یوکرین کی درخواست کیوں مسترد کی؟

نیٹو نے یورپی یونین اور نیٹو کے ہیڈ کوارٹر میں رکن ممالک کے وزرائے خارجہ کے اجلاس میں یوکرین کی نو فلائی زون قرار دیے جانے کی درخواست مسترد کر دی۔

یوکرین نہیں بچتا تو یورپ بھی نہیں بچے گا: یوکرینی صدر

پڑوسی ملک روس کی جانب سے جنگ کا شکار ہونے والے ملک یوکرین کے صدر ولودومیر زیلنسکی نےنو فلائی زون قرار نہ دینے کے نیٹو کے فیصلے کی مذمت کرتے ہوئے کہا ہے کہ یوکرین نہیں بچتا تو یورپ بھی نہیں بچے گا۔

نیٹو چیف اسٹولٹن برگ کا اس ضمن میں کہنا ہے کہ تنازع میں مداخلت کی تو ماسکو سے براہِ راست تصادم کا خطرہ ہو گا، براہِ راست تصادم سے ایٹمی جنگ چھڑ سکتی ہے۔

ان کا کہنا ہے کہ نو فلائی زون کے نفاذ کا مطلب لڑاکا طیارے یوکرینی ایئر اسپیس بھیجنا ہے اور پھر روسی طیاروں کو مار گرا کر نو فلائی زون کو نافذ کرنا ہے۔

نیٹو چیف اسٹولٹن برگ نے یہ بھی کہا کہ اگر ہم نے ایسا کیا تو یہ یورپ میں مکمل جنگ پر ہی اختتام پذیر ہو گا، اس میں بہت سے ممالک شامل ہوں گے، بہت سارے انسانی مصائب جنم لیں گے۔