فرمان الہی
نماز کے اوقات
مسلم لیگ (ن) کی ترجمان مریم اورنگزیب نے کہا ہے کہ عمران خان کے جھوٹ کی عمارت زمین بوس ہوچکی ہے۔
ایک بیان میں مریم اورنگزیب نے کہا کہ عمران خان جو فارن فنڈنگ، آٹا، چینی، دوائی، بجلی اور گیس چوری میں خود مجرم ہے۔
انہوں نے کہا کہ اُن کا احتساب اور الزامات کا مصنوعی بیانیہ ہر روز اپنی موت آپ مرتا ہے۔
ن لیگی ترجمان نے مزید کہا کہ عمران خان کی کرپشن اور منی لانڈرنگ کے ثبوت 7 سال سے الیکشن کمیشن، آٹا، چینی اور قرضہ کمیشن میں موجود ہیں۔
اُن کا کہنا تھا کہ الزام تراشی، تہمت زنی، نفرت اور انتشار سُن سُن کے عوام کے کان پک گئے ہیں۔
ن لیگی ترجمان نے استفسار کیا کہ کہاں گئے وہ ٹاؤٹ جو سرکاری خرچ پر لندن جاکر براڈشیٹ میں رشوت مانگتے تھے؟ کاغذ لہراتے تھے؟
انہوں نے کہا کہ عمران خان کے جھوٹ کی عمارت زمیں بوس ہو چکی ہے۔
