• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میں بتاتی ہوں کہ پاکستان کا سب سے بڑا چوہا کون ہے، مریم نواز

تازہ ترین
قومی خبریں
27 مارچ ، 2022


پاکستان مسلم لیگ ن کی نائب صدر مریم نواز  کا کہنا ہے عمران کی بدتمیزی کا منہ توڑ جواب ملے گا، تم دوسروں کو چوہا کہتے ہو، میں بتاتی ہوں کہ پاکستان کا سب سے بڑا چوہا کون ہے۔

  مریم نواز نے کہا کہ ایک وہ ہے جو پریڈ گراؤنڈ میں زور زور سے رو رہا ہے، کہتا تھا کہ دس لاکھ کا مجمع ہوگا، دس لاکھ تو کیا دس ہزار لوگ نہیں آئے۔

گوجرانوالہ میں مہنگائی مکاؤ مارچ سے مریم نواز اور حمزہ شہباز نے خطاب کیا، اپنے خطاب میں مریم نواز نے گوجرانوالہ والوں کو آئی لو یو بھی کہا۔

مریم نواز نے کارکنوں کو عمران خان کو گالی دینے سے روک دیا

اپنے خطاب کے دوران مریم نواز نے کارکنوں کو گالیاں نہ دینے کی تلقین کرتے ہوئے کہا کہ آپ لوگ گالیاں نہیں دیں۔

رہنما مسلم لیگ ن  نے کہا کہ گوجرانولا آؤ اور دیکھو کہ چوبیس گھنٹے میں دو بار جلسہ کیسے ہوتا ہے، عوام نے عمران کے جلسے میں شرکت نہ کرکے ان کی سیاست دفن کردی ہے۔

مریم نواز نے کہا کہ باتیں کرتے ہو عالمی سازش کی، کیا امریکا نے تمہارے دو درجن بندے اڑا دئیے، نوا ز شریف نے ایک گیند سے تمہارے دو درجن بندے اڑادئیے، نواز شریف جس سے بھی ملتا ہے پاکستان کے لئے ملتا ہے، نواز شریف تمہاری طرح بھارت جا کر پاکستانی فوج کو برا بھلا نہیں کہتا۔

 رہنما مسلم لیگ ن نے کہا کہ کان کھول کر سن لو، یہ ادارے بھی نواز شریف کے ہیں، یہ ملک، یہ عوام بھی نواز شریف کے ہیں، پوری دنیا نے کہہ دیا کہ نواز شریف صادق اور امین ہے۔

مریم نواز نے کہا کہ نواز شریف اور شہباز شریف آئیں گے، آپ کی قسمت بدلیں گے، نواز شریف کی طرف سے آپ کو کہتی ہوں، گوجرانوالا آئی لو یو۔

اگلے الیکشن میں تحریک انصاف کو امیدوار نہیں ملیں گے، احسن اقبال

رہنما مسلم لیگ ن نے کہا کہ چیف الیکشن کمشنرکی تقرری آپ کی سفارش پر ہوئی تھی، فارن فنڈنگ کا حساب دینا پڑا تو الیکشن کمیشن برا لگنے لگا۔

انہوں نے کہا کہ آج پریڈ گراؤنڈ میں کھڑا جو جی جی کر رہا تھا وہ پاکستان کا سب سے بڑا چوہا ہے، ا ب کہیں اپنے جلسے کی ناکامی کا الزام بھی نواز شریف پر نہ لگا دینا۔

مریم نواز نے کہا کہ پاکستان کا سب سے بڑا چوہا جو کھا کھا کر موٹا ہوگیا ہے اس کا نام ہے عمران خان، یہ وہ ہے جو بائیس کروڑ لوگوں کا آٹا، نوکریاں کھاگیا۔

رہنما ن لیگ نے کہا کہ الزام لگاتے ہو نواز شریف پر،چلو بھر پانی میں ڈوب کر مرجاؤ۔

عمران خان سند یافتہ چور ہے، حمزہ شہباز

مسلم لیگ (ن) کا وفد چوہدری شجاعت کی رہائشگاہ پہنچ گیا

وفاقی وزیر طارق بشیر چیمہ نے ن لیگی وفد کا استقبال کیا، مسلم لیگ ن کے وفد میں ایاز صادق، رانا ثنا اللّٰہ، رانا تنویر، خواجہ آصف شامل ہیں۔

اپنے خطاب میں حمزہ شہباز نے کہا کہ کیسا انوکھا صادق و امین ہے جو توشہ خانہ کیس کا حساب نہیں دیتا، عمران خان سند یافتہ چور ہے، گوجرانولا کی عدالت سزا سنا چکی ہے۔

 حمزہ شہباز کا کہنا تھا کہ عمران نیازی کی حکومت کاخاتمہ ہوگا، ملک کو نواز شریف کی قیادت میں قائداعظم کا خوشحال پاکستان بنائیں گے۔

ق لیگ سے درخواست ہے درست دھارے کی طرف آئیں، خرم دستگیر

خرم دستگیر نے کہا کہ امر بالمعروف کے نعرے دہشتگردی کیخلاف جنگ کرنے والوں کو اچھے لگتے ہیں، امر بالمعروف کے نعرے امن قائم کرنے والوں کو اچھے لگتے ہیں۔

رہنما مسلم لیگ ن نے کہا کہ عمران نیازی نے مزدوروں کو بے روزگار کردیا، عمران نیازی تمہیں جتنے جلسے کرنے ہیں کرلو، ہم اسلام آباد آرہے ہیں۔

حمزہ شہباز نے کہا کہ اس شخص نے نوجوانوں کے خواب چرائے ہیں، آج ماں باپ کے پاس بچوں کو دودھ پلانے کے لئے پیسے نہیں۔

رہنما مسلم لیگ ن نے کہا کہ مجھےکوئی خرید نہیں سکتا لیکن نوجوانوں کے پیار نے مجھے خرید لیا، ہمارا قافلہ اسلام آباد کی طرف رواں دواں ہے، ہم خالی ہاتھ نہیں لوٹنےوالے۔

حمزہ شہباز نے کہا کہ قومی اسمبلی میں قرارداد پاس ہوگی گوجرانوالہ کے  عوام نے ووٹ دے کر پاس کردیا ہے۔

انہوں نے کہا کہ 4 سال تک نواز شریف اور شہباز شریف کی تلاشی لی، یہ کیسا انوکھا صادق اور امین ہے جو توشہ خانے کا حساب نہیں دیتا، فارن فنڈنگ کیس میں ثابت ہوگیا کہ منی لانڈرنگ کی ہے۔

حمزہ شہباز نے کہا کہ انشاءاللّٰہ تحریک عدم اعتماد کامیاب ہوگی۔

قومی خبریں سے مزید