فرمان الہی
نماز کے اوقات
وفاقی وزیر بحری امور اور صدر پی ٹی آئی سندھ علی حیدر زیدی نے اپوزیشن لیڈر شہباز شریف کا 9 سال پُرانا ٹوئٹ شیئر کرکے اُن سے اہم سوال کرلیا۔
اپوزیشن لیڈر شہباز شریف نے سال 2012 میں ایک ٹوئٹ کیا تھا جس میں اُنہوں نے کہا تھا کہ ہاں، ہم نے زرداری کی وزارت عظمیٰ کی پیشکش کو ٹھکرا دیا۔
شہباز شریف نے کہا تھا کہ اُس رزق سے موت اچھی، جس رزق سے آتی ہو پرواز میں کوتاہی۔
اب صدر پی ٹی آئی سندھ علی حیدر زیدی نے اپنے ٹوئٹر اکاؤنٹ پر شہباز شریف کا یہ ٹوئٹ شیئر کرتے ہوئے اُن سے سوال کیا ہے۔
علی حیدر زیدی نے پوچھا کہ کیا آپ کو یہ وقت یاد ہے؟
اُنہوں نے سوال کیا کہ آپ کو اب اُس رزق سے موت کا ڈر نہیں ہے؟
اس کے ساتھ ہی علی حیدر زیدی نے قہقہے والے ایموجی کا بھی اضافہ کیا۔
واضح رہے کہ وزیرِ اعظم عمران خان کے خلاف تحریکِ عدم اعتماد کی قرار داد پر ووٹنگ کے لیے منعقدہ قومی اسمبلی کا اجلاس طویل وقفے کے بعد دوبارہ شروع ہو گیا۔
اجلاس شروع ہوتے ہی شاہ محمود قریشی نے دوبارہ تقریر شروع کر دی۔
آج ساڑھے 10 بجے شروع ہونے والے قومی اسمبلی کے اجلاس میں اسپیکر اسد قیصر نے ساڑھے 12 بجے تک وقفہ کیا تھا، مقررہ وقت گزرنے کے بعد نمازِ ظہر کے بعد اجلاس شروع کرنے کا کہا گیا تاہم اجلاس نماز کے بعد بھی شروع نہیں ہو سکا تھا۔
