فرمان الہی
نماز کے اوقات
وزیراعظم میاں محمد شہباز شریف اپنے پہلے ایک روزہ دورے پر صوبائی دارالحکومت کراچی پہنچ گئے ہیں۔
وزیر اعظم کی خصوصی پرواز نے شارع فیصل پر پاکستان ایئرفورس کے فیصل ایئر بیس پر لینڈ کیا جہاں وزیراعلیٰ سندھ سید مراد علی شاہ اور دیگر رہنماؤں نے ان کا استقبال کیا۔
وزیراعظم شہباز شریف کے ہمراہ شاہد خاقان عباسی، مریم اورنگزیب اور احسن اقبال کراچی پہنچے ہیں۔
وزیراعلیٰ سندھ سید مراد علی شاہ وزیراعظم کو ہیلی کاپٹر میں لے کر مزار قائد روانہ ہوئے جہاں انہوں نے اتحادی رہنماؤں کے ہمراہ مزار پر حاضری دی اور فاتحہ خوانی بھی کی۔
وزیر اعظم مزار قائد سے بزریعہ ہیلی کاپٹر وزیراعلیٰ ہاؤس کے لئے روانہ ہوئے، ہیلی پیڈ پر چیف سیکریٹری سندھ اور انسپکٹر جنرل پولیس سندھ نے وزیراعظم کا استقبال کیا۔
وزیراعلیٰ ہاؤس میں وزیر اعظم پاکستان صوبائی وزراء، سیکریٹریز اور دیگر رہنماؤں کے ہمراہ کراچی میں ترقیاتی منصوبوں سے متعلق مشاورتی اجلاس کی صدارت کریں گے۔
اس کے علاوہ سندھ میں امن و امان سے متعلق اجلاس بھی وزیراعلیٰ ہاؤس میں ہوگا۔
اپنے دورہ کراچی کے تیسرے مرحلہ میں وزیر اعظم میاں محمد شہباز شریف حکومتی اتحاد میں اپنی اہم پارٹنر ایم کیو ایم پاکستان کی قیادت سے پارٹی کے مرکزی دفتر بہادرآباد کا دورہ بھی کریں گے۔
میاں محمد شہباز شریف آج شام ہی دارالحکومت اسلام آباد واپس چلے جائیں گے۔
