• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سولجر بازار کی لاپتہ لڑکی کی وہاڑی میں پسند کی شادی

تازہ ترین
قومی خبریں
26 اپریل ، 2022
دینار فائل فوٹو
دینار فائل فوٹو

کراچی میں سولجر بازار سے مبینہ لاپتہ ہونے والی لڑکی دینار نے بھی وہاڑی میں پسند کی شادی کرلی ہے۔

سولجر بازار کی دینار کی 22 اپریل کو گھر سے جانے کی سی سی ٹی وی بھی منظر عام پر آگئی ہے جس میں دینار کو رہائشی فلیٹس سے باہر جاتے دیکھا جاسکتا ہے۔

سعود آباد سے لاپتہ نمرہ نے نکاح کرلیا

کراچی کے علاقے سعود آباد سے لاپتہ نمرہ نے نکاح کرلیا۔

سی سی ٹی وی میں دیکھا جاسکتا ہے کہ دینار نے منہ پر ماسک لگا رکھا ہے، دینار کی گمشدگی کی درخواست میں بھی تاریخ 22 اپریل درج ہے۔

دینار کے بھائی نے بہن کی گمشدگی کی درخواست سولجر بازار تھانے میں جمع کرائی تھی۔

پولیس کا کہنا ہے کہ لڑکی نے وہاڑی میں اسد عباس نامی لڑکے سے شادی کرلی ہے، لڑکی کے بھائی نے بہن کی گمشدگی کی درخواست بھی واپس لے لی ہے۔

کراچی سے لاپتہ دُعا زہرہ لاہور سے مل گئی؟

کراچی کے علاقے گولڈن ٹاؤن سے لاپتہ ہونے والی دُعا زہرہ لاہور سے مل گئی ہے۔

واضح رہے کہ گزشتہ روز کراچی گولڈن ٹاؤن کی دُعا زہرہ اور سعود آباد کی نمرہ کا بھی پتہ چلا ہے۔

دونوں لاپتہ لڑکیوں نے اپنی مرضی سے گھر چھوڑ کر دوسرے صوبے میں جاکر پسند کی شادی کی ہے۔

قومی خبریں سے مزید