سندھ اور پنجاب شدید گرمی کی لپیٹ میں

سندھ اور پنجاب کے مختلف اضلاع شدید گرمی کی لپیٹ میں ہیں، سب سے زیادہ درجہ حرارت نواب شاہ میں 48 ڈگری سینٹی گریڈ ریکارڈ کیا گیا۔

دادو، پڈعیدن، جیکب آباد اور سبی میں 47، بہاولپور اور سکھر میں 44، حیدرآباد میں درجہ حرارت 43 ڈگری سینٹی گریڈ ریکارڈ کیا گیا۔

ڈیرہ غازی خان میں 42، فیصل آباد اور لاہور میں 40، پشاور 38، کراچی میں 37، اسلام آباد 36، کوئٹہ میں 32، گلگت میں 31 اور لیہہ میں زیادہ سے زیادہ درجہ حرارت 16 ڈگری سینٹی گریڈ ریکارڈ کیا گیا۔

ملک کے بیشتر شہروں میں بجلی کا بحران جاری

فیصل آباد کے شہری علاقوں میں 5 اور دیہی علاقوں میں 7 گھنٹے بجلی کی بندش ہے جبکہ لاہور میں چار سے پانچ گھنٹے غیراعلانیہ لوڈشیدنگ ہورہی ہے۔

محکمہ موسمیات کے مطابق 2 مئی تک لاہور اور کراچی سمیت سندھ کے بیشتر علاقے گرمی کی لپیٹ میں رہیں گے۔