ساتھی اداکاروں کو میرے وقت کے پابند ہونے پر شکایت ہوتی ہے، صبا قمر

02 مئی ، 2022

شوبز انڈسٹری کی معروف اداکارہ صبا قمر کا کہنا ہے کہ میرے ساتھ کام کرنے والے اداکاروں کو میری وقت کی پابندی کی عادت کی وجہ سے شکایت ہوتی ہے۔

اس عید الفظر پر نئی فلم ’گھبرانا نہیں ہے‘ سنیما گھروں کی زینت بننے کے لیے تیار ہے، جس میں اداکارہ صبا قمر، اداکار سید جبران اور زاہد احمد مرکزی کردار ادا کرتے ہوئے نظر آئیں گے۔

زاہد احمد نے فلم ’گھبرانا نہیں ہے‘ کے ایک پروموشنل ایونٹ پر گفتگو کرتے ہوئے کہا کہ صبا کی وقت کی پابندی کے بارے میں شکایت کی۔

اُنہوں نے کہا کہ’ایک مرد کے مرکزی کردار ادا کرتے ہوئے آپ کبھی کبھی یہ چاہتے ہیں کہ آپ کے ساتھ خاتون کے مرکزی کردار میں جو اداکارہ ہیں وہ یہاں وہاں تھوڑاغصہ کرتی نظر آئیں، یا کبھی تھوڑا دیر سے سیٹ پر آئیں اور آپ کوبھی ایسا کرنے کا کچھ موقع دیں‘۔

اُنہوں نے مزید کہا کہ’بدقسمتی سے، اس فلم کے تجربے کے دوران، مجھے سیٹ پر ڈیوا(Diva) کہا جا رہا تھا کیونکہ کبھی کبھی میں سیٹ پر دیر سے آتا تھا اور اگر میں اچھی طرح سے نہیں سویا تو میں صرف سیٹ پر سونا چاہتا تھا!‘

زاہد احمد نے کہا کہ’میں ان میں سے کسی بھی عیش و آرام کے لیے صبا قمر کا سہارا نہیں لے سکتاتھا‘۔

اُنہوں نے ہنستے ہوئے صبا قمر کے بارے میں کہا کہ’اور اب میں صبا کے ساتھ دوبارہ کام کرنے کے بارے میں دو دفعہ سوچ رہا ہوں‘۔

زاہد احمد کی بات سے اتفاق کرتے ہوئے صبا قمر نے کہا کہ ان کے بہت سے ساتھی اداکاروں نے اس بارے میں شکایت کی۔

اداکارہ نے کہا کہ’میرے ساتھ کام کرنے والے تمام ہیروز کومجھ سے ایک تو یہ شکایت ہےکہ میں ہمیشہ وقت کی پابندی کرتی ہوں اور دوسری یہ کہ مجھے ہمیشہ اپنی اسکرپٹ یاد ہوتی ہے‘۔

اُنہوں نے مزید کہا کہ ’لہذا، میرے کوئی ڈیوا (Diva) سے تیور نہیں ہوتے‘۔

انٹرٹینمنٹ سے مزید