فرمان الہی
نماز کے اوقات
پاکستان مسلم لیگ نون کی نائب صدر مریم نواز نے گزشتہ روز فتح جنگ میں کئے گئے جلسے کے دوران ویڈیوگرافر کے فرائض انجام دیے۔
مریم نواز نے مائیکرو بلاگنگ سائٹ ٹوئٹر پر فتح جنگ جلسے کی ایک ویڈیو شیئر کی۔
ویڈیو میں جلسے کو شاندار انداز میں کور کیا گیا ہے، جلسے کے شرکاء بھی ویڈیو میں واضح طور پر نظر آرہے ہیں۔
مریم نواز نے ویڈیو شیئر کرتے ہوئے انکشاف کیا کہ ’یہ ویڈیو اُنہوں نے خود بنائی تھی۔‘
مسلم لیگ نون کی نائب صدر نے جلسے میں ویڈیوگرافی کی اپنی صلاحیتوں کا خوب استعمال کیا۔
واضح رہے کہ گزشتہ روز مریم نواز کی جانب سے فتح جنگ میں کامیاب جلسہ کیا گیا تھا۔
مریم نواز کا جلسے سے خطاب کے دوران کہنا تھا کہ بے فیض ہوتے ہی عمران خان کی حکومت دھڑام سے گر گئی، عمران خان کے نیچے سے کرسی کھسکی ہے تو اوپر سے دماغ ہل گیا ہے، یہ ہر روز ایک نیا جھوٹ بولتا ہے۔
