قومی اسمبلی میں قائد حزب اختلاف خورشید شاہ نے کہا ہے کہ پاناما لیکس پر ٹی او آرز کے حوالے سے مسلم لیگ ن کو لچک دکھانا ہوگی ۔ حکومت کو سوچنا ہے کہ اپوزیشن کو کیسے ساتھ لے کر چلا جائے ۔
سکھر میں اپنی رہائش گاہ پر میڈیا سے گفتگو کرتے ہوئے خورشید شاہ نے کہا اگر اپوزیشن کو ساتھ لے کر چلنے میں حکومت کو کچھ دینا پڑے تو کوئی حرج نہیں ہے۔ جمہوریت اور پارلیمنٹ دونوں لازم اور ملزوم ہیں۔
پاناما لیکس کے مسئلے کو حل کرنے کے لئے اپوزیشن اور حکومتی ٹی او آرز کو مزید اختیارات ملنے چاہئیں، ان کا کہنا تھا کہ پارلیمنٹ ہی واحد فورم ہے جہاں مسائل کو حل کیا جا سکتا ہے۔ اس کےحل میں اپوزیشن کے ساتھ حکومت کو بھی اپنا کردار ادا کرنا ہوگا۔
خورشید شاہ نے کہا کہ سب کی خواہش ہے کرپشن کا خاتمہ ہو،کرپشن کے خاتمے کے لئے ہم سب کو اپنے اثاثے ظاہر کرنا ہوں گے۔ انہوں نے کہا کہ اپوزیشن کا کوئی مطالبہ ناجائز نہیں، حکومت کی اپوزیشن کے ساتھ چلنے میں ہی بہتری ہے۔
فرمان الہی
نماز کے اوقات
