ڈالر 200 روپے تک جائے گا، شیخ رشید کی پیش گوئی

شیخ رشید نے ڈالر 200 روپے تک جانے کی پیش گوئی کردی کہا کہ ڈالر 200 روپے کا ہونے جارہا ہے، 31 مئی تک اہم فیصلےہونگے۔

اسلام آباد ہائیکورٹ کے باہر میڈیا سے بات کرتے ہوئے سابق وفاقی وزیر نے کہا کہ پنجاب میں کوئی حکومت نہیں ہے وہاں کابینہ نہیں بن سکی۔

انٹر بینک میں ڈالر 195 سے تجاوز کر گیا

انٹر بینک میں ڈالر ایک روپے 32 پیسے مہنگا ہو کر 195 روپے 50 پیسے کا ہوگیا۔

سابق وزیر داخلہ کا کہنا تھا کہ جس جہازمیں نواز شریف آئیں گے اس میں چور کے نعرے لگیں گے۔

واضح رہے کہ حنیف عباسی کے عہدے کیخلاف اسلام آباد ہائیکورٹ میں دائر شیخ رشید کی درخواست پر چیف جسٹس اطہر من اللّٰہ نے ریمارکس میں کہا کہ اگر کوئی سزا یافتہ ہو تو وہ پبلک آفس ہولڈ نہیں کرسکتا۔