-
فرمان الہی
-
نماز کے اوقات
- جمعرات 9؍شوال المکرم 1445ھ18؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
نامور بھارتی فلم اسٹار عامر خان نے کرکٹ کے اسٹارز کو چیلنج کردیا، عامر نے ہربھجن اور عرفان پٹھان کے ساتھ کرکٹ کھیلی، کرکٹرز کا ماننا ہے کہ مسٹر پرفیکشنسٹ کو اداکاری تک ہی محدود رہنا چاہیے۔
سوشل میڈیا پر شیئر ایک ویڈیو میں دیکھا جاسکتا ہے کہ عامر خان، ہربھجن سنگھ اور عرفان پٹھان کرکٹ کھیل رہے ہیں۔
ویڈیو میں پہلے عرفان پٹھان کہتے ہیں کہ امتحان کی گھڑی آگئی ہے جب میں ان دونوں کو ثابت کروں گا کہ میں ایک کرکٹر ہوں اور پھر یہ دونوں مجھے درخواست کریں گے کہ آپ ہماری ٹیم میں کھیلو۔
ویڈیو کے دوسرے حصے میں سابق بھارتی کھلاڑی عرفان پٹھان اداکار عامر خان کو گیند کروانے کے لیے تیار ہیں اور اس دوران ہربھجن عرفان کا حوصلہ بڑھاتے ہوئے نظر آرہے ہیں۔
تاہم عرفان پٹھان اور ہربھجن سنگھ نے ایک پروگرام میں گفتگو کرتے ہوئے انہیں اداکاری سے جڑے رہنے کا ہی مشورہ دیا۔
عرفان پٹھان نے کہا کہ اداکاری میں ری ٹیک ہوسکتے ہیں لیکن کرکٹ میں نہیں، آپ کو یہاں فاسٹ بولرز، لیگ اسپنرز اور مسٹری اسپنرز کا سامنا کرنا پڑتا ہے۔ میری عامر بھائی کو یہ تجویز ہے کہ وہ صرف اداکاری پر ہی توجہ ہیں، کرکٹ ہم پر چھوڑ دیں۔
ہربھجن سنگھ نے تبصرہ کرتے ہوئے کہا کہ میری خواہش ہے کہ میں عامر خان کی طرح اداکار بنوں، لیکن یہ ناممکن ہے۔ عامر بھائی آپ پر اداکاری اچھی لگتی ہے، کرکٹ نہیں۔
