• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد میں’’عمرانی سمندر‘‘ جھاگ کی طرح بیٹھ گیا، حسن مرتضیٰ

تازہ ترین
قومی خبریں
26 مئی ، 2022
فائل فوٹو
فائل فوٹو

پیپلز پارٹی پنجاب کے پارلیمانی لیڈر سید حسن مرتضیٰ کا کہنا ہے کہ ’’عمرانی سمندر ‘‘ اسلام آباد میں جھاگ کی طرح بیٹھ گیا۔

حسن مرتضیٰ نے اپنے بیان میں کہا کہ لانگ مارچ کو ڈانگ مارچ میں بدلنے والے کو قوم نے مسترد کر دیا ہے۔

انہوں نے کہا کہ شہید کانسٹیبل کے لواحقین کی آہیں ریجیکٹڈ ٹولے کو لے ڈوبیں گی، 6 دن کی گیدڑ بھبھکی دینے والا قوم کے سامنے ایکسپوز ہوگیا ہے۔

حسن مرتضیٰ نے کہا کہ کٹھ پتلی ’’20لاکھ ‘‘ کے بعد ’’30 لاکھ‘‘ کی گھسی پٹی فلم کیساتھ آنیکی دھمکی دے رہا ہے، ایسے تو کوئی کلرک بھی مطالبے نہیں کرتا جیسے یہ کر رہا ہے۔

حکومت نے6 روز میں الیکشن کا اعلان نہ کیا تو دوبارہ اسلام آباد آئیں گے، عمران خان

انہوں نے کہا کہ حکومت ملک کو انتشار کی طرف لے جارہی ہے۔ حکومتی ایما پر تحریک انصاف کے 2 کارکن شہید کیے گئے۔

پی پی رہنما نے کہا کہ جون میں گرمیوں کی چھٹیاں ہیں، بہتر ہے اپنے بچوں کے پاس لندن چلےجاؤ، تمہیں الیکشن کی تاریخ ملے گی نہ کہیں چھپنےکی جگہ ملی گی۔

انہوں نے مزید کہا کہ اتحادی حکومت ملک و قوم کے مفاد میں بہترین فیصلے کرے گی۔

واضح رہے کہ پاکستان تحریک انصاف کے چیئرمین عمران خان نے حکومت کو اسمبلیاں تحلیل کرنے اور انتخابات کے اعلان کیلئے 6 روز کی مہلت دے دی۔

قومی خبریں سے مزید