راحت فتح علی خان کے مسقط میں تاریخی کنسرٹ کی تیاریاں عروج پر

27 مئی ، 2022

آکسفورڈ یونیورسٹی سے صوفیانہ موسیقی میں پی ایچ ڈی کی ڈگری حاصل کرنے والے عالمی شہرت یافتہ گائیک استاد راحت فتح علی خان عمان کے دارالحکومت مسقط میں تاریخی کنسرٹ کریں گے۔

کنسرٹ میں عربی فارسی ہندی اردو اور ترک زبان میں کلام پیش کریں گے۔ 3 جون 2022 کو مسقط میں ہونے والے مثالی کنسرٹ کی تیاریاں عروج پر پہنچ گئیں، دن رات ریہرسل کی جاری ہیں۔

مسقط میں تعینات پاکستانی ہائی کمیشنر کا کہنا ہے کہ بہت خوشی اور مسرت کی بات ہے کہ دنیا کے بہت بڑے صوفی گائیک استاد راحت فتح علی خان مسقط میں 9 برس بعد ایک بڑے میوزیکل شو میں شرکت کے لیے آرہے ہیں۔مسقط میں رہنے والوں کو ان کی آمد کا بے تابی سے انتظار ہے۔