فرمان الہی
نماز کے اوقات
پاکستان مسلم لیگ ن کی نائب صدر مریم نواز شریف ملی نغمہ ’یہ وطن تمہارا ہے‘ سُنتے ہوئے اپنے جذبات پر قابو نہ رکھ سکیں۔
مریم نواز شریف کی ایک ویڈیو سوشل میڈیا سائٹس پر خوب وائرل ہے، اس ویڈیو میں مریم نواز کو شعلہ بیانی کے بجائے اُن کی آنکھوں سے ملک کی محبت میں جھلکتے ہوئے آنسوؤں کو دیکھا جا سکتا ہے۔
مائیکرو بلاگنگ ویب سائٹ ٹوئٹر پر ایک صارف نے مریم نواز کی یہ ویڈیو شیئر کی اور ساتھ میں لکھا کہ ’کسی نے دھیان نہیں دیا لیکن ملی نغمہ ’یہ وطن‘ سُنتے ہوئے مریم نواز کی آنکھوں میں آنسو تھے۔‘
صارف کا کہنا تھا کہ ’مریم نواز شریف کو پاکستان کا خیال ہے! افسوسناک بات یہ ہے کہ مسلم لیگ ن ہمیشہ مشکل معاشی دور میں اقتدار میں آئی ہے اور اچھی بات یہ ہے کہ مسلم لیگ ن نے ہمیشہ وقت پر عوام کو ریلیف پہنچایا ہے۔‘
صارف نے اپنی ٹوئٹ کے آخر میں مریم نواز شریف کی جانب سے جماعت کو دیا گیا نیا نعرہ ’کر کے دکھایا ہے، کر کے دکھائیں گے‘ بھی لکھا۔
اس ٹوئٹ کو مریم نواز نے بھی ری ٹوئٹ کیا اور اس پر ردِ عمل دیتے ہوئے لکھا کہ ’مجھے پاکستان سے محبت ہے۔‘
