فرمان الہی
نماز کے اوقات
محکمہ موسمیات نے کراچی میں آج شام یا رات سے بارش شروع ہونے کی پیش گوئی کی ہے۔
محکمہ موسمیات کے مطابق اس وقت مون سون سسٹم مشرقی سندھ، راجستھان اور بحیرہ عرب میں موجود ہے، جو آج شام یا رات کو آندھی اور بارش کا سبب بن سکتا ہے۔
چیف میٹرولوجسٹ کراچی سردار سرفراز احمد نے کہا ہے کہ پہلا سسٹم 5 جولائی تک سندھ پر اثر انداز رہے گا، پہلے مون سون سسٹم کے پیچھے ایک اور سسٹم بھی موجود ہے۔
انہوں نے کہا کہ دوسرا اسپیل پہلے سسٹم کے ختم ہونے کے 18 گھنٹے بعد اثرانداز ہوسکتا ہے۔
دوسری جانب شہر قائد میں نالوں کی صفائی ادھوری ہے جبکہ اہم شاہراہوں اور عمارتوں پر لگے بل بورڈز اور ہورڈنگز بھی نہیں ہٹائے گئے۔
مزید برآں آج سندھ کے زیریں علاقوں اور بلوچستان میں بھی بارش کا امکان ہے۔ اس کے علاوہ اسلام آباد، پنجاب، بالائی خیبر پختونخوا اور کشمیر میں بھی بادل برس سکتے ہیں۔
