• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تصویر بشکریہ انسٹا گرام
تصویر بشکریہ انسٹا گرام

ناسا نے پلوٹو کی ایک شاندار قوسِ قزح کے رنگ کی تصویر شیئر کی ہے جس نے سوشل میڈیا صارفین کو خوش گوار حیرت میں مبتلا کر دیا ہے۔

امریکی خلائی ایجنسی ناسا نے اپنے آفیشل انسٹا گرام اکاؤنٹ پر پلوٹو کی قوسِ قزح کے رنگ کی تصویر شیئر کر کے انٹرنیٹ پر دھوم مچا دی ہے۔ 

ناسا نے گزشتہ روز انسٹا گرام پر پلوٹو کی ایک ناقابلِ یقین تصویر شیئر کی جو ہمارے نظامِ شمسی کے سب سے بیرونی کنارے پر موجود ہے۔

انسٹا گرام پوسٹ کے کیپشن میں ناسا نے لکھا ہے کہ قوسِ قزح کا اختتام کہاں ہوتا ہے؟ پلوٹو واقعی رنگین نہیں ہے، یہ رنگین تصویر سائنسدانوں نے سیارے کے مختلف علاقوں کے درمیان فرق کو اُجاگر کرنے کے لیے رنگوں کے ذریعے بنائی ہے۔

انسٹا گرام پر اس پوسٹ پر اب تک 9 لاکھ سے زیادہ لائکس اور ہزاروں تبصرے موصول ہو چکے ہیں۔

یہ تصویر خلائی جہاز نیو ہورائزنز نے کھینچی تھی، جسے 19 جنوری 2006ء کو لانچ کیا گیا تھا۔ 

نیو ہورائزنز نے 2015ء کے موسمِ گرما میں پلوٹو کا 6 ماہ طویل فلائی بائی مطالعہ کیا اور دور دراز کے نظامِ شمسی کو تلاش کرنا جاری رکھا۔

سائنس و ٹیکنالوجی سے مزید