میرانشاہ: خفیہ اطلاع پر سیکیورٹی فورسز کا آپریشن، ایک دہشتگرد ہلاک

شمالی وزیرستان کے علاقے میرانشاہ میں سیکیورٹی فورسز نے خفیہ اطلاع پر آپریشن کیا، جس کے دوران ایک دہشتگرد ہلاک جبکہ ایک اہلکار شہید ہوگیا۔

پاک فوج کے شعبہ تعلقات عامہ آئی ایس پی آر کے مطابق ہلاک دہشتگرد سیکیورٹی فورسز کے خلاف دہشتگردی کی کارروائیوں میں ملوث تھا۔

دہشتگردوں کے ساتھ فائرنگ کے تبادلے میں سپاہی انصر علی شہید ہوگئے۔

آئی ایس پی آر کا کہنا ہے کہ علاقے سے دہشتگردوں کے خاتمے کے لیے کارروائیاں جاری ہیں۔

سیکیورٹی فورسز ملک کے کونے کونے سے دہشتگردی کے خاتمے کے لیے پرعزم ہیں۔