پنجاب کے مختلف علاقوں میں بارش

پنجاب کے مختلف علاقوں لاہور، قصور، شیخوپورہ، حافظ آباد اور جہلم میں رات گئے بارش ہوئی۔ آزاد کشمیر میں بھی بارش کے بعد موسم خوشگوار ہوگیا۔

محکمہ موسمیات نے آج بالائی پنجاب، اسلام آباد، خیبرپختونخوا اور سندھ کے زیریں علاقوں میں کہیں کہیں موسلادھار بارش کی پیش گوئی کی ہے۔

ادھر کراچی کے مختلف علاقوں میں بھی وقفے وقفے سے ہلکی بارش کا سلسلہ جاری ہے۔

کراچی میں 14 اگست کو بھی بارش کا سلسلہ جاری رہا

کراچی کے مختلف علاقوں میں اتوار کو بھی بارش کا سلسلہ جاری رہا جبکہ کچھ علاقوں میں رات گئے بھی بارش ہوئی۔

محکمہ موسمیات نے 16 اگست سے ایک اور مون سون سسٹم سندھ پر اثر انداز ہونے کی پیش گوئی کی ہے۔