معروف ٹی وی شخصیت عامر لیاقت کی تیسری اہلیہ، ٹک ٹاکر دانیہ ملک کی والدہ کی جانب سے سوشل میڈیا پر نئے دعوے اور انکشافات کیے گئے ہیں۔

ٹک ٹاکر دانیہ ملک عامر لیاقت کی موت کے بعد سے سوشل میڈیا سے دور اور عدت میں ہیں، اُن کا سوشل میڈیا اکاؤنٹ انسٹاگرام بھی بند ہے۔

دانیہ ملک کی والدہ نے اپنے انسٹاگرام اکاؤنٹ پر متعدد ویڈیوز شیئر کی ہیں جن میں اُنہوں نے عامر لیاقت کی پہلی سابقہ اہلیہ، ڈاکٹر بشریٰ اقبال پر الزامات کی بوچھاڑ کر دی ہے۔

عامر لیاقت اور 40 کروڑ کا معاملہ:

’پوسٹ مارٹم ہونا چاہیے اور لازمی ہوگا‘: دانیہ کے بشریٰ اور دعا پر نئے الزامات کی بوچھاڑ

سابق رکنِ قومی اسمبلی عامر لیاقت کی تیسری اہلیہ دانیہ ملک سوشل میڈیا پر متحرک ہو گئیں، وہ اپنے شوہر کی پہلی بیوی بشریٰ اقبال اور بیٹی دعا کے خلاف ایکشن میں نظر آ رہی ہیں۔

دانیہ ملک کی والدہ سلمیٰ نے دعویٰ کیا ہے کہ عامر لیاقت نے پی ٹی آئی چھوڑ دی تھی، اُنہیں اسلام آباد میں 40 کروڑ روپے ملے تھے، یہ پیسہ کہاں سے آیا تھا کس نے دیا تھا یہ تو اُنہیں معلوم نہیں مگر عامر لیاقت نے 40 کروڑ وصول کیے تھے، اُن کے کسی ایک اکاؤنٹ میں 3 کروڑ اب بھی موجود ہوں گے باقی پیسے گھر میں ہوں گے۔

دانیہ کی والدہ کے ہاتھ میں ایک پرچہ بھی دیکھا جا سکتا ہے، ان کا کہنا ہے کہ اس میں عامر لیاقت کے موبائل کی تفصیلات ہیں، انہوں نے اس پیسے کی ناصرف تصویریں لی تھیں بلکہ لین دین بھی کی تھی۔

عامرلیاقت کے موبائل کا فرانزک کروایا جائے، والدہ دانیہ ملک

دانیہ ملک کی والدہ نے اپنے ویڈیو بیانات میں عدالتوں سے مطالبہ کیا ہے کہ عامر لیاقت کے موبائل کا فرانزک کروایا جائے، فرانزک سے سارا سچ سامنے آ جائے کہ پیسہ کہاں گیا اور آیا عامر لیاقت کو پیسوں کے لیے کس نے قتل کیا۔

’بشریٰ اقبال عامر لیاقت کا قتل چھپا رہی ہیں‘

سلمٰی نے اپنے ویڈیو بیانات میں عامر لیاقت کی پہلی سابقہ اہلیہ بشریٰ پر الزام لگایا ہے کہ جب ساری دنیا عامر لیاقت کو ستا رہی تھی اُس وقت بشریٰ اقبال یا اُن کے بچے کہاں تھے، برے وقتوں میں کبھی کسی بچے یا بیوی نے عامر لیاقت کا ساتھ نہیں دیا۔

عامر لیاقت نے انتقال سے 4 دن قبل دانیہ ملک کو کیا میسج کیا تھا؟

سابق رکنِ قومی اسمبلی و میزبان عامر لیاقت کی تیسری اہلیہ دانیہ ملک ایک بار پھر سوشل میڈیا پر متحرک نظر آ رہی ہیں۔

عامر لیاقت کی وفات کسی ڈپریشن یا ذہنی تناؤ کے سبب نہیں ہوئی، 5 جون کو ہماری صلح ہو چکی تھی، عامر لیاقت خوش اور بہتر محسوس کر رہے تھے۔

اب عامر لیاقت کی وفات کے بعد بچے اور بیوی ایک رٹ لگائے ہوئے ہیں کہ پوسٹ مارٹم سے میت کو تکلیف ہوگی، عامر لیاقت کے پوسٹ مارٹم سے ہی سچ سامنے آئے گا۔

ہمیں ہمارے قریبی رشتہ دار، ڈاکٹر نے بتایا ہے کہ عامر لیاقت کا بازو اور پسلیاں ٹوٹی ہوئیں تھیں۔

بشریٰ اقبال پیسوں کے لالچ میں عامر لیاقت کا قتل چھپا رہی ہے۔

عامر لیاقت اور دانیہ ملک کی صلح:

عامر لیاقت کی وصیّت سامنے آگئی

یہ دعویٰ رمضان چھیپا کی جانب سے عامر لیاقت حسین کی موت پر کیا گیا ہے۔

والدہ دانیہ ملک نے اپنے دعووں میں مزید کہا کہ دانیہ ملک اور عامر لیاقت کی صلح ہو چکی تھی، 9 جون کو وفات ہوئی اور 5 کو یہ طے ہو چکا تھا کہ میری اہلیہ اور ساس (دانیہ ملک اور اُن کی والدہ) میرے پاس آ جائیں یا میں آجاتا ہوں۔

عامر لیاقت کا کہنا تھا کہ میرے پاس اب پیسے ہیں، اب میں ایک کمرے میں بند نہیں رہوں گا، عامر کا دانیہ سے کہنا تھا کہ ہم اپنا نیا گھر لیں گے اور اچھی زندگی گزاریں گے۔

دانیہ کی والدہ نے مزید کہا کہ بشریٰ اقبال کے پاس جس مہنگے ترین گھر کی فائل تھی وہ بھی عامر لیاقت کو واپس مل چکی تھی، بس پھر 4 دن کے بعد عامر لیاقت کا قتل ہو گیا تھا۔

عامر لیاقت نے دانیہ کو میسج کیا تھا کہ اب ہم دونوں ایک ہونے جا رہے ہیں اور ایک اچھی زندگی گزاریں گے۔