• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فخر ہے کہ ورلڈکپ کا آفیشل میچ بال پاکستان میں بنایا گیا، وزیراعظم شہباز شریف

تازہ ترین
قومی خبریں
24 اگست ، 2022


وزیراعظم شہباز شریف نے کہا ہے کہ پاکستانیوں کو اس بات پر فخر ہے کہ فیفا ورلڈکپ قطر 2022ء کا آفیشل میچ بال ’الریحلہ‘ پاکستان میں بنایا گیا۔

وزیراعظم پاکستان شہباز شریف نے آج قطر کے شہر دوحہ میں فیفا ورلڈکپ ’اسٹیڈیم 974‘ کا دورہ کیا۔

فخر ہے کہ ورلڈکپ کا آفیشل میچ بال پاکستان میں بنایا گیا، وزیراعظم شہباز شریف

اسٹیڈیم پہنچنے پر وزیراعظم کو اسٹیڈیم کا گائیڈڈ دورہ کروایا گیا اور انہیں فیفا ورلڈ کپ 2022 کی میزبانی کے لیے قطر کی حکومت کی جانب سے کی گئی وسیع تیاریوں کے بارے میں بتایا گیا۔

وزیراعظم نے دنیا کے سب سے بڑے کھیلوں کے ایونٹ کے لیے جدید ترین سہولیات کے قیام میں قطر کی کوششوں کو سراہا۔

فخر ہے کہ ورلڈکپ کا آفیشل میچ بال پاکستان میں بنایا گیا، وزیراعظم شہباز شریف

انہوں نے فٹبال اسٹیڈیم کی شان و شوکت اور اس سے منسلک سہولیات کی تعریف کی جس میں قطری ثقافت اور شناخت کی عکاسی کی گئی ہے۔

وزیراعظم نے قطر کے عوام اور قیادت کو میگا ایونٹ کے انعقاد میں شاندار کامیابی کی خواہش کا اظہار کیا۔

فخر ہے کہ ورلڈکپ کا آفیشل میچ بال پاکستان میں بنایا گیا، وزیراعظم شہباز شریف

وزیراعظم نے ورلڈکپ سے متعلق بنیادی ڈھانچے کی تعمیر میں پاکستانی افرادی قوت کے اہم کردار کو بھی سراہا۔

قومی خبریں سے مزید