فرمان الہی
نماز کے اوقات
عوامی مسلم لیگ کے سربراہ شیخ رشید کا کہنا ہے کہ سیلابی، سیاسی اور معاشی ریلہ پی ڈی ایم کو بہالے گیا۔
شیخ رشید کا کہنا ہے کہ بلاول لاڑکانہ کی اور فضل الرحمٰن ڈی آئی خان کی عوام میں جانےکی پوزیشن میں نہیں۔
اُنہوں نے کہا کہ مفتاح اسماعیل تو بہانہ ہے اصل نشانہ شہباز شریف سے اپنی نااہلی کے کیس ختم کروانا ہے۔
اُنہوں نے مزید کہا کہ ملک کا سارا انفرااسٹرکچر برباد ہوگیا، چاروں صوبوں میں فوج مدد کےلیے آگئی ہے۔
شیخ رشید کا کہنا ہے کہ مہنگائی کی شرح 45 فیصد بڑھ گئی، پٹرول بھی 20 روپے فی لیٹر بڑھنےلگا ہے۔
اُنہوں نے حکمران اتحاد کی کارکردگی پر تنقید کرتے ہوئے کہا کہ غریب آدمی کی زندگی5 مہینے میں تباہ و برباد ہوگئی ہے۔
اُنہوں نے یہ انکشاف بھی کیا کہ نوازشریف نے شہباز شریف سےکہا ہے کہ اگلی بات تب ہوگی جب میرے اور مریم کے نااہلی کیس ختم ہونگے۔
