کراچی: استنبول سے آنیوالی فیملی کو لوٹنے والے 2 ڈاکو مقابلے میں ہلاک

06 ستمبر ، 2022

کراچی کے راشد منہاس روڈ کے قریب پولیس مقابلے میں 2 ملزمان ہلاک ہو گئے، ملزمان نے استنبول سے آنے والی فیملی کو لوٹا تھا۔

پولیس کے مطابق متاثرہ فیملی نے 15 پر واردات کی اطلاع دی، جس کے بعد نیپا پل پر پولیس کا ملزمان سے فائرنگ کا تبادلہ ہوا۔

پولیس نے بتایا ہے کہ گلشنِ جمال کے قریب ہونے والے مقابلے میں 2 ملزمان ہلاک ہو گئے جبکہ 1 کو زخمی حالت میں گرفتار کر لیا گیا، ملزمان کے 2 ساتھی زخمی حالت میں فرار ہونے میں کامیاب ہو گئے۔

متاثرہ شہری نے ’جیو نیوز‘ سے گفتگو میں بتایا کہ استنبول سے واپسی پر فیملی کے ہمراہ ایئر پورٹ سے نکلے تھے کہ محکمۂ موسمیات کے قریب گاڑی سوار ڈاکوؤں نے رانگ سائیڈ سے ہماری گاڑی کو روکا۔

انہوں نے بتایا کہ گاڑی سے اترتے ہی ڈاکوؤں نے ہمیں مارنا شروع کر دیا، ملزمان ہم سے موبائل فون، 800 ڈالرز اور دیگر اشیاء لوٹ کر لے گئے، ایک موبائل رہ گیا تھا جس پر ہم نے 15 پر پولیس کو اطلاع دی۔

مذکورہ شہری کا یہ بھی کہنا ہے کہ ایس ایچ او عزیز بھٹی عدیل افضل نے بہت بہادری سے ڈاکوؤں کا مقابلہ کیا، ہمیں اپنی پولیس کی بہادری پر فخر ہے۔

قومی خبریں سے مزید