فرمان الہی
نماز کے اوقات
وزیرِ اعظم شہباز شریف کا کہنا ہے کہ پاکستان میں سیلاب کی تباہ کاریاں دنیا کے سامنے ہیں۔
سماجی رابطے کی سائٹ ٹوئٹر پر جاری ویڈیو پیغام میں شہباز شریف نے کہا کہ میں نے سیلاب سے متعلق صورت حال کا جائزہ لیا ہے، سیلاب سے متاثرہ علاقوں میں بچوں کی خوراک کی قلت کا سامنا ہے۔
انہوں نے کہا کہ بچوں کی خوراک زیادہ سے زیادہ بنا کر عطیہ کے طور پر دی جائے، اس وقت پاکستان مشکل ترین وقت سے گزر رہا ہے۔
اس سے قبل ٹوئٹر بیان میں شہباز شریف نے کہا تھا کہ اقوام متحدہ کی جنرل اسمبلی کے موقع پر عالمی رہنماؤں کو سیلاب کی تباہی سے آگاہ کیا۔
وزیرِ اعظم نے کہا کہ موسمیاتی تبدیلی سے نمٹنے کے لیے اجتماعی اقدام کی ضرورت کو اجاگر کیا، یہ بھی بتایا کہ پاکستان تجارت اور معیشت کے شعبوں میں شراکت داری کا خواہاں ہے۔
