فرمان الہی
نماز کے اوقات
سندھ کے ضلع دادو کے 2 دیہات میں بچی کا ملیریا جبکہ بچے کا گیسٹرو سے انتقال ہو گیا۔
محکمۂ صحت سندھ کے مطابق دادو کے علاقے کاچھو کے گاؤں بکھر جمالی میں 7 سال کی بچی ملیریا سے انتقال کر گئی۔
دادو کی تحصیل میہڑ کے گاؤں علی بخش تونیو میں 3 سال کا بچہ بخار اور گیسٹرو کے باعث انتقال کر گیا۔
محکمۂ صحت سندھ نے بتایا ہے کہ ضلع دادو میں ملیریا، ڈائریا اور گیسٹرو کے باعث اموات کی تعداد 43 ہو گئی ہے۔
دادو میں جلدی امراض کے مریضوں کی تعداد 39 ہزار 394 ، ڈائریا اور گیسٹرو کے مریضوں کی تعداد 29 ہزار 725 تک پہنچ گئی۔
محکمۂ صحت سندھ کا یہ بھی کہنا ہے کہ ضلع دادو میں مثبت اور مشتبہ ملیریا کے مریضوں کی تعداد 15 ہزار 161 تک جا پہنچی ہے۔
