• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تجدید تعلقات کیلئے ایران اور سعودی عرب سفارتخانے کھولیں، مشیر ایرانی سپریم لیڈر

تازہ ترین
بین الاقوامی خبریں
20 اکتوبر ، 2022
پچھلے سال تہران اور ریاض نے تعلقات میں بہتری کے لیے براہ راست بات چیت شروع کی تھی۔
پچھلے سال تہران اور ریاض نے تعلقات میں بہتری کے لیے براہ راست بات چیت شروع کی تھی۔

ایران کے سپریم لیڈر آیت اللّٰہ خامنہ ای کے مشیر کا کہنا ہے کہ ایران اور سعودی عرب اپنے سفارتخانے کھولیں تاکہ دونوں ملکوں کے مابین تعلقات کی تجدید نو ہوسکے۔

غیر ملکی خبر ایجنسی کے مطابق مشیر علی اکبر ولایتی نے کہا کہ ہم سعودی عرب کے ہمسائے ہیں اور ہم دونوں ممالک کو ایک ساتھ ہی رہنا ہوگا۔

سعودی عرب سے بات چیت کیلئے کوئی پیشگی شرائط نہیں، ترجمان ایرانی وزارت خارجہ

نیوز کانفرنس سے بات کرتے ہوئے ان کا کہنا تھا کہ ایران سعودی عرب کی طرف سے کسی بھی تعمیری اقدام کا اسی کے مساوی ردعمل دے گا۔

ان کا کہنا تھا کہ دونوں ملکوں کے سفارتخانے کھلنے چاہئیں تاکہ ہمارے مسائل بہتر طریقے سے حل ہوسکیں۔

یاد رہے کہ پچھلے سال تہران اور ریاض نے تعلقات میں بہتری کے لیے براہ راست بات چیت شروع کی تھی۔

عراق کے دارالحکومت بغداد میں سعودی عرب اور ایران کے مذاکرات کے 5 اجلاس ہوچکے ہیں، آخری اجلاس رواں برس اپریل میں ہوا تھا۔

بین الاقوامی خبریں سے مزید