فرمان الہی
نماز کے اوقات
کراچی کے علاقے بہادرآباد میں مبینہ تشدد سے لڑکے کے جاں بحق ہونے کے معاملے میں پیش رفت ہوئی ہے، خاتون کی جانب سے لڑکے کو اسپتال لانے کی ویڈیو سامنے آگئی۔
ویڈیو میں خاتون کو کار میں لڑکے کی لاش نجی اسپتال لاتے دیکھا جا سکتا ہے، خاتون نے اسپتال ملازمین کی مدد سے لڑکےکی لاش اسپتال منتقل کی۔
ابتدائی معلومات کے مطابق لڑکا گھریلو ملازم تھا، جس پر بد ترین تشدد کیا گیا، لڑکے کی ٹانگوں اور چہرے پر تشدد کےنشانات موجود ہیں۔
واضح رہے کہ بہادرآباد میں نجی اسپتال کے قریب سے 12 سال کے لڑکے کی تشدد زدہ لاش ملی تھی، جسے اسپتال لانے والی خاتون فرار ہو گئی۔
پولیس حکام کے مطابق ایک خاتون لڑکے کو علاج کے لیے نجی اسپتال لے کر آئی تھی، اسپتال میں دورانِ علاج لڑکے کا انتقال ہو گیا۔
پولیس حکام نے مزید بتایا ہے کہ خاتون نے ایمبولینس منگوا کر لڑکے کی میت کو سرد خانے بھجوانے کا کہا، جیسے ہی ایمبولینس میت لے کر روانہ ہوئی خاتون غائب ہو گئی۔
