-
فرمان الہی
-
نماز کے اوقات
- جمعہ یکم؍ذیقعد 1445ھ 10؍مئی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
بین الاقوامی دفاعی نمائش آئیڈیاز 2022ء کے ایکسپو سینٹر کراچی میں انعقاد کے دوران ٹریفک پولیس کی جانب سے مختلف راستے بند رکھے جائیں گے، اس سلسلے میں ڈی آئی جی ٹریفک احمد نواز چیمہ کی جانب سے متبادل راستوں کا اعلان کیا گیا ہے۔
ڈی آئی جی ٹریفک کے مطابق شارعِ فیصل نرسری سے کار ساز روڈ پر آنے والے ہیوی اور کمرشل ٹریفک کو اسٹیڈیم براستہ حبیب ابراہیم رحمت اللّٰہ روڈ سے سر شاہ سلیمان روڈ جانے کی اجازت نہیں ہو گی۔
ڈرائیور حضرات کارساز سے ڈرگ روڈ شارعِ فیصل سے بائیں جانب راشد منہاس روڈ، ملینیئم سے نیپا کا راستہ اختیار کریں اور اسی طرح ایئر پورٹ سے آنے والے حضرات ڈرگ روڈ سے دائیں جانب راشد منہاس روڈ، ملینیئم اور نیپا چورنگی کا راستہ اختیار کر سکتے ہیں۔
ملینیئم راشد منہاس روڈ سے ہیوی اور کمرشل ٹریفک کو اسٹیڈیم براستہ ڈالمیا روڈ جانے کی اجازت نہیں ہو گی۔
نیپا، عسکری فور، ڈرگ روڈ سے شارع فیصل یا ملینیئم، نیپا سے صفورا یا گلشن چورنگی سے سہراب گوٹھ کا راستہ اختیار کر سکتے ہیں۔
یونیورسٹی روڈ نیپا سے پی پی چورنگی تک ہیوی اور کمرشل ٹریفک کو جانے کی اجازت نہیں ہو گی۔
نیپا، گلشن چورنگی سے سہراب گوٹھ یا صفورہ، نیپا، بائیں جانب راشد منہاس روڈ، ملینیئم، ڈرگ روڈ سے شارعِ فیصل کا راستہ اختیار کر سکتے ہیں۔
پی پی چورنگی سے نیپا تک ہیوی اور کمرشل ٹریفک کو جانے کی اجازت نہیں ہو گی۔
شارعِ قائدین سے مزارِ قائد یا خداداد کالونی فلائی اوور ریمپ سے بائیں جانب صدر اور اسی طرح گرومندر چورنگی، پی پی چورنگی سے دائیں جانب صدر یا عائشہ عزیز چورنگی سے دائیں جانب شارعِ قائدین کا راستہ اختیار کر سکتے ہیں۔
نیو ٹاؤن یونیورسٹی روڈ پر اندرونی علاقے سے آنے والے ہیوی اور کمرشل ٹریفک کو اسٹیڈیم روڈ جانے کی اجازت نہیں ہو گی، اس ٹریفک کو پی پی چورنگی سے شارعِ قائدین کی جانب موڑ دیا جائے گا۔
سر شاہ سلیما ن روڈ پر لیاقت آباد نمبر 10 سے حسن اسکوائر ہیوی اور کمرشل ٹریفک کو جانے کی اجازت نہیں ہو گی۔
لیاقت آباد نمبر 10 سے بائیں جانب کریم آباد یا دائیں جانب ڈاک خانہ، تین ہٹی کی جانب جا سکتے ہیں۔
یونیورسٹی روڈ کی دونوں اطرف کی سڑکیں عام ٹریفک کے لیے کھلی رہیں گی، تاہم لیاقت آباد، غریب آباد اور حسن اسکوائر سے شارعِ فیصل جانے کے لیے ٹریفک کو حسن اسکوائر سے بائیں جانب یونیورسٹی روڈ بیت المکرم سے یوٹرن لے کر براستہ جعفری آپٹکس، الراعی ایونیو، کے ڈی اے اسکیم، اسٹیڈیم کے عقب سے اسٹیڈیم روڈ اور کارساز یا ملینیئم جا سکتے ہیں یا یونیورسٹی روڈ سے نیپا اور راشد منہاس، ڈرگ روڈ سے اپنی منزل کی طرف جا سکتے ہیں۔
دورانِ نمائش سر شاہ سلیمان روڈ (دونوں روڈ) مکمل طور پر صبح 7 بجے سے شام 6 بجے تک ٹریفک کے لیے بند رہیں گے، صرف اسٹیکر (اجازت نامے) کی حامل گاڑیوں کو جانے کی اجاز ت ہو گی۔
کارساز حبیب ابراہیم رحمت اللّٰہ روڈ، اسٹیڈیم برج کے نیچے سے سرشاہ سلیمان روڈ، ایکسپو سینٹر کی جانب صرف اسٹیکر کی حامل گاڑیوں کو جانے کی اجاز ت ہو گی۔
کارساز حبیب ابراہیم رحمت اللّٰہ روڈ صرف اسٹیکر کی حامل گاڑیاں اسٹیڈیم برج سے کراچی ایکسپو سینٹر تک جا سکیں گی۔
کارساز حبیب ابراہیم رحمت اللّٰہ روڈ سے بغیر اسٹیکر کی گاڑیاں اسٹیڈیم سے دائیں جانب ڈالمیا اور بائیں جانب نیو ٹاؤن جا سکیں گی۔
کارساز حبیب ابراہیم رحمت اللّٰہ روڈ پر کسی بھی قسم کے ہیوی کمرشل ٹریفک کو اسٹیڈیم کی طرف جانے کی اجازت نہیں ہو گی۔
ایکسپو سینٹر، نیشنل کوچنگ سینٹر، نیشنل اسٹیڈیم صرف اسٹیکر کی حامل گاڑیاں مقررہ پارکنگ کے مقامات پر پارک ہوں گی۔
سر شاہ سلیمان روڈ، اسٹیڈیم سے حسن اسکوائر، یونیورسٹی روڈ، اسٹیڈیم روڈ اور دیگر مقامات پر کسی بھی قسم کی گاڑی کو پارک کرنے کی اجازت نہیں۔
سر شاہ سلیمان روڈ حسن اسکوائر سے اسٹیڈیم اور اسٹیڈیم سے حسن اسکوائر تک عام ٹریفک کو جانے کی اجازت نہیں ہو گی۔
صہبا اختر روڈ، مچھلی کٹ، یونیورسٹی روڈ سے نیپا یا بیت المکرم مسجد یو ٹرن ،جعفری آپٹکس ،الراعی ایونیو ، کے ڈی اے اسکیم، اسٹیڈیم کے عقب سے اسٹیڈیم روڈ اور کارساز یا ملینیئم جا سکتے ہیں۔
یونیورسٹی روڈ پر بیت المکرم مسجد یو ٹرن، یونیورسٹی، جیل، پی پی چورنگی یا شہیدِ ملت روڈ جایا جا سکتا ہے۔
یونیورسٹی روڈ، نیپا، راشد منہاس روڈ، ڈرگ روڈ سے بائیں جانب اسٹار گیٹ یا دائیں جانب کارساز وغیرہ جاسکتے ہیں۔
آغا خان اسپتال کے عقب اور اسی طرح سوک سینٹر کے عقب کا راستہ اختیار کریں۔
ڈی آئی جی ٹریفک احمد نواز چیمہ کا کہنا ہے کہ عوام الناس سے گزارش ہے کہ زحمت و پریشانی سے بچنے کے لیے قانون نافذ کرنے والے اداروں اور ٹریفک پولیس سے تعاون کریں، درجِ بالا ہدایات پر عمل کریں، اپنی گاڑیوں، موٹر سائیکلوں کو کسی سروس روڈ یا مین روڈ پر کھڑا نہ کریں، کسی بھی پریشانی کی صورت میں رہنمائی کے لیے ٹریفک پولیس رہنما 1915 ملائیں جہاں ہمارے نمائندے آپ کی رہنمائی کے لیے موجود ہوں گے۔
