عمران خان بُلٹ پروف جیکٹ لازمی پہنیں، گاڑی سے باہر نہ نکلیں، پولیس

راولپنڈی میں تحریک انصاف (پی ٹی آئی) کے جلسے سے متعلق پولیس حکام نے پارٹی قیادت کو تحریری طور پر سیکیورٹی ہدایات سے آگاہ کردیا۔

پولیس حکام کے مراسلے میں پی ٹی آئی سے کہا گیا ہے کہ بُلٹ پروف روسٹرم کو یقینی بنایا جائے اور عمران خان بُلٹ پروف جیکٹ بھی لازماً استعمال کریں۔

پولیس حکام کا کہنا ہے کہ عمران خان کسی عوامی مقام پر گاڑی سے باہر نہ نکلیں اور روایت کے برعکس عمران خان کی نقل و حرکت کو خفیہ رکھا جائے۔

مراسلے کے مطابق وی آئی پی کی سیکیورٹی کے لیے ہدایات پر عمل درآمد کو یقینی بنایا جائے۔

سی پی او کے مطابق ہدایات تحریری طور پر ڈپٹی اسپیکر پنجاب اسمبلی واثق قیوم کو دی گئی ہیں جس میں کہا گیا ہے کہ اسٹیج پر شرکاء کی فہرست پہلے سے انتظامیہ کو فراہم کی جائے، فہرست کے ناموں کے علاوہ کوئی بھی اسٹیج پر نہیں جا سکے گا۔

میں نے اپنے مرنے کے خوف پر قابو پالیا ہے، عمران خان

پاکستان تحریکِ انصاف کے چیئرمین عمران خان نے کہا ہے کہ میں نے اپنے مرنے کے خوف پر قابو پالیا ہے۔

سی پی او کے مطابق جلسہ گاہ میں کوئی مسلح پرائیویٹ گارڈ یا گن مین نہیں ہوگا، تمام شرکاء مجوزہ مقام سے مکمل چیکنگ کے بعد ہی داخل ہو سکیں گے۔

مراسلے میں کہا گیا ہے کہ ڈرون کیمرہ کے استعمال اور آتش بازی پر مکمل پابندی ہوگی، کارکنوں کو کسی عمارت کی چھت پر چڑھنے کی اجازت نہیں ہوگی۔

سی پی او راولپنڈی کی جانب سے پی ٹی آئی قیادت کو بھیجے گئے مراسلے کے مطابق جلسے میں آنے والی خواتین کے لیے الگ اور مناسب جگہ مختص کی جائے۔

راولپنڈی میں PTI کے جلسے کیلئے مرکزی اسٹیج لگا دیا

پاکستان تحریک انصاف (پی ٹی آئی) نے راولپنڈی جلسے کے لیے مرکزی اسٹیج سکستھ روڈ فلائی اوور لگا دیا۔

واضح رہے کہ پاکستان تحریک انصاف نے راولپنڈی جلسے کے لیے مرکزی اسٹیج سکستھ روڈ فلائی اوور پر لگا دیا ہے۔

پی ٹی آئی کی جانب سے جلسہ گاہ سکستھ روڈ فلائی اوور سے بینظیر بھٹو اسپتال تک بنایا گیا ہے۔