خضدار میں دھماکا، 13 افراد زخمی، دو کی حالت تشویشناک

خضدار میں عمر فاروق چوک کے قریب زور دار دھماکا ہوا ہے، جس کے نتیجے میں 13 افراد زخمی ہوگئے، دو کی حالت تشویشناک ہے۔

پولیس کے مطابق ڈبل روڈ پر دھماکا خیز مواد پھٹنے سے 13 افراد زخمی ہوگئے۔

پولیس نے بتایا کہ زخمیوں کو ٹیچنگ اسپتال خضدار منتقل کردیا گیا ہے۔

پولیس اور قانون نافذ کرنے والے اداروں کے اہلکاروں نے علاقے کو گھیرے میں لے کر تحقیقات شروع کردیں۔