فرانس: پاکستان بزنس فورم کا J7 گروپ کے اعزاز میں عشائیہ

پاکستان بزنس فورم فرانس کی جانب سے پاکستانی جے 7 گروپ کے اعزاز میں عشائیے کا اہتمام کیا گیا۔

معروف کشمیری، سیاسی و سماجی رہنما نعیم چوہدری نے پاکستان بزنس فورم فرانس کے سرپرست ابراہیم ڈار اور سیاسی سماجی رہنما راجہ علی اصغر کی طرف سے پاکستانی جے 7 گروپ کے چیئرمین مقبول حسین اور ان کی ٹیم کے اعزاز میں عشائیے کا اہتمام کیا۔

اس موقع پر خطاب کرتے ہوئے جے 7 گروپ کے چیئرمین مقبول حسین نے پاکستانی کمیونٹی اور میزبانوں کا شکریہ ادا کیا اور پاکستان میں سرمایہ کاری کے حوالے سے فرانسیسی کمپنیوں کے ساتھ کیے گئے معاہدوں اور جے 7 کے منصوبوں پر روشنی ڈالی۔

انہوں نے شرکائے محفل کے سوالات کے جوابات بھی دیے اور انہیں دعوت دی کہ وہ آئیں اور جے 7 گروپ کے منصوبوں کو دیکھیں۔

چیئرمین جے 7 پاکستان مقبول حسین نے شرکاء کو مختلف منصوبوں کے بارے میں تفصیلی بریفنگ دی۔

تقریب کے اختتام پر مقبول حسین، عبدالوحید چوہدری، سرور فیاض اعوان، نعیم چوہدری اور محمد ابراہیم ڈار نے تمام شرکاء کا شکریہ ادا کیا۔

واضح رہے کہ جے 7 گروپ انتہائی جدید اور اعلیٰ درجے کے ریئل اسٹیٹ کے رجحانات اور پاکستان کی 10 سرِفہرست تعمیراتی کمپنیوں میں سے ایک ہے۔