الیکشن کمیشن نے اپنے ہی فیصلے کو ریورس کر دیا، اسد عمر

پاکستان تحریک انصاف (پی ٹی آئی) کے رہنما اسد عمر نے دعویٰ کیا ہے کہ الیکشن کمیشن آف پاکستان (ای سی پی) نے اپنے فیصلے کو آج ریورس کردیا ہے۔

پی ٹی آئی رہنما اسد عمر الیکشن کمیشن پر بھڑک اٹھے اور کہا کہ بلدیاتی انتخابات پر فیصلوں کو عدالت میں چیلنج کریں گے۔

دنیا کی واحد حکومت، جو ووٹروں سے خوفزدہ ہے، بابر اعوان

پاکستان تحریک انصاف (پی ٹی آئی) کے رہنما بابراعوان نے کہا ہے کہ دنیا کی واحد حکومت ہے جو ووٹروں سے خوفزدہ ہے۔

انہوں نے کہا کہ ایک ہفتے قبل الیکشن کمیشن کا فیصلہ تھا کہ اسلام آباد میں بلدیاتی الیکشن ملتوی نہیں ہوں گے۔

پی ٹی آئی رہنما نے مزید کہا کہ الیکشن کمیشن نے پی ڈی ایم حکومت کی معاونت کی ہے، حکومت کی کوشش تھی کہ کسی بھی طرح الیکشن سے بھاگا جائے۔

ان کا کہنا تھا کہ ضمنی انتخابات کے نتائج اور عمران خان کی مہم دیکھ کر انہوں نے الیکشن نہ کروانے کا فیصلہ کیا ہے۔

اسد عمر نے کہا انہیں پتا تھا کہ الیکشن کمیشن کیا کرے گا، پی ٹی آئی پوری طرح سے عدالتی لڑائی لڑے گی۔

بینظیر بھٹو مزاحمت اور عوامی طاقت کی علامت تھیں، فواد چوہدری

پاکستان تحریک انصاف (پی ٹی آئی ) کے سینئر رہنما فواد چوہدری نے بینظیر بھٹو شہید سے متعلق اپنے خیالات کا اظہار کردیا۔

انہوں نے کہا کہ ہم اسلام آباد کے عوام کے حق کے لیے جدوجہد جاری رکھیں گے، جو حکومت کر رہی تھی وہ ہائیکورٹ کے فیصلے کی نفی ہے۔

پی ٹی آئی رہنما نے کہا کہ رانا ثنااللّٰہ نے بلدیاتی انتخابات کو جنرل الیکشن کے بعد ہونے کا بیان دیا۔

ان کا کہنا تھا کہ یونین کونسل میں اضافے کے ساتھ میئر اور ڈپٹی میئر کو براہ راست منتخب کرنے کا کہا ہے، پی ٹی آئی میئر کو براہ راست انتخابات سے لانے پر قانون سازی کر چکی تھی۔