فرمان الہی
نماز کے اوقات
لاہور میں پولیس افسر کے خلاف 3 کروڑ روپے سے زائد کے فراڈ کیس میں ملزم ڈی ایس پی اظہر نوید خان کا 3 دن کا جسمانی ریمانڈ منظور کر لیا گیا۔
جوڈیشل مجسٹریٹ کے مطابق دورانِ سماعت پولیس نے استدعا کی کہ ملزم سے تفتیش اور برآمدگی کرنی ہے، اس لیے ملزم کا 10 روز کا جسمانی ریمانڈ دیا جائے۔
عدالت نے ملزم کو 18 مارچ کو دوبارہ پیش کرنے کا حکم دے دیا۔
واضح رہے کہ لاہور میں ملزم کے خلاف تھانہ ڈیفنس بی پولیس نے فراڈ کا مقدمہ درج کر رکھا ہے۔
پنجاب پولیس کے ڈپٹی سپرنٹنڈنٹ آف پولیس (ڈی ایس پی) اظہر نوید پر فراڈ کے الزام میں انکوائری کی رپورٹ میں انکشاف ہوا تھا کہ انہوں نے شہری سے 3 کروڑ 40 لاکھ روپے کا فراڈ کیا تھا۔
