فرمان الہی
نماز کے اوقات
لاہور میں گنگا رام اسپتال کے واش روم میں ایک مریض پراسرار طور پر ہلاک ہوگیا، سیکریٹری صحت پنجاب نے تحقیقات کیلئے اعلیٰ سطح کی کمیٹی تشکیل دے دی جو 24 گھنٹے میں رپورٹ پیش کرے گی۔
پولیس کے مطابق گنگا رام اسپتال کے واش روم میں جاں بحق ہونے والا کاشف نامی مریض کئی روز سے ٹیومر کا علاج کرا رہا تھا۔
اسپتال ذرائع کے مطابق کاشف کا ٹیومر پھٹ گیا جس سے اس کی موت واقع ہوئی، پولیس نے لاش پوسٹ مارٹم کے لیے بھجوا کر تحقیقات شروع کردی ہے۔
سیکرٹری صحت ڈاکٹر احمد جاوید قاضی نے واقعے سے متعلق تحقیقاتی کمیٹی تشکیل دے دی ہے جس میں پروفیسر فرید الظفر، ایم ایس میو اسپتال ڈاکٹر منیر احمد ملک اور ڈاکٹر وسیم احمد شامل ہیں۔
کمیٹی 24 گھنٹے میں اپنی رپورٹ پیش کرے گی، تحقیقات کیلئے فرانزک سائنس ایجنسی کی مدد بھی حاصل کی جارہی ہے۔
