فرمان الہی
نماز کے اوقات
لگن سچی اور حوصلے بلند ہو تو منزل مل ہی جاتی ہے، لاہور کے ٹریفک وارڈن کو انتھک محنت مشقت کا صِلہ’مسٹر لاہور 2023‘ کی صورت میں مل گیا۔
ٹریفک وارڈن وسیم ارشد نے گزشتہ برس ’مسٹر لاہور 2022 ‘ کے مقابلے میں رنر اپ رہے تاہم ان کا حوصلہ کم نہ ہوا، انہوں نے محنت جاری رکھی اور مسٹر لاہور 2023 کا ٹائٹل اپنے نام کر لیا۔
ٹریفک وارڈن وسیم ارشد نے اپنی روز مرہ کی مصروفیات اور سخت روٹین کے باوجود ہمت نہ ہاری اور شام کے اوقات میں اپنے شوق کے لیے وقت نکال کر جم میں باڈی بلڈنگ کی بھرپور کسرت کرتے ہیں۔
ڈی پی او ڈاکٹر اسد ملہی نے مسٹر لاہور 2023 کا ٹائٹل جیتنے والے ٹریفک وارڈن وسیم ارشد کو اپنے دفتر بلا کر انہیں شاباش دی اور تعریفی سرٹیفکیٹ بھی پیش کیا۔
جیو نیوز کے مارننگ شو جیو پاکستان میں گفتگو کرتے ہوئے وسیم ارشد کا کہنا تھا مسٹر لاہور کا مقابلہ جیتنے کی بہت خوشی ہے کیونکہ میری محنت رنگ لائی ہے۔
وسیم ارشد کا کہنا تھا مسٹر لاہور تو بن گیا ہوں، اب مسٹر پنجاب اور مسٹر پاکستان بننا وسیم ارشد کا خواب ہے۔
