فرمان الہی
نماز کے اوقات
کراچی بلدیاتی انتخابات میں الیکشن کمیشن نے 2 یونین کونسلوں (یو سیز) کے نتائج درست کردیے۔
ترجمان جماعت اسلامی کے مطابق الیکشن کمیشن کے 2 نتائج میں درستی کے بعد جماعت اسلامی کی یونین کونسل کی مجموعی تعداد 88 ہوگئی ہے۔
ترجمان جماعت اسلامی کے مطابق ضلع غربی اورنگی یو سی 6 میں جماعت اسلامی کے حاشر عمر کو کامیاب قرار دیا گیا ہے۔
ترجمان کے مطابق حاشر عمر 4 ہزار 252 ووٹ لے کر یو سی چیئرمین منتخب ہوئے ہیں، فارم 11 کے مطابق وہ کامیاب ہوگئے تھے۔
ترجمان جماعت اسلامی کے مطابق فارم 13 میں ریٹرنگ آفیسر (آر او) نے پیپلز پارٹی کے امیدوار کو کامیاب قرار دیا تھا۔
ترجمان کے مطابق یو سی عباس ٹاؤن صفورہ ٹاؤن سے جماعت اسلامی کے حبیب الرحمان کامیاب قرار پائے ہیں، پہلے اس نشست سے پی پی کے امیدوار کو فاتح قرار دیا گیا تھا۔
