فرمان الہی
نماز کے اوقات
کراچی(اسٹاف رپورٹر)بھارت نے نیوزی لینڈ کے خلاف دوسرا ون ڈے انٹر نیشنل8وکٹ سے جیت لیا اور سیریز میں دوصفر کی فیصلہ کن برتری حاصل کرلی۔ہفتے کو رائے پور میں نیوزی لینڈ کی ٹیم پہلے بیٹنگ کرتے ہوئے108رنز بناکر آؤٹ ہوگئی۔محمد شامی نے تین،ہاردیک پانڈیا اورواشنگٹن سندر نے دو دو وکٹ حاصل کئے۔بھارتی کرکٹ ٹیم کے کپتان روہت شرما نیوزی لینڈ کے خلاف دوسرے ون ڈے میچ میں ٹاس جیت کر فیصلہ کرنا بھول گئے کہ انہیں پہلے کیا کرنا ہے۔دوسرے ون ڈے میچ میں ٹاس کے موقع پر بھارتی کپتان نے سکہ اوپر اچھالا جس کے بعد نیوزی لینڈ کے کپتان ٹام لیتھم نے ’ہیڈز‘ کا انتخاب کیا تاہم ٹاس روہت شرما نے جیتا۔ٹاس جیتنے کے بعد بھارتی کپتان کو اس وقت شرمندگی کا سامنا کرنا پڑا جب ان سے پوچھا گیا کہ وہ پہلے بیٹنگ کریں گے یا بولنگ؟اس موقع پر کچھ دیر تک روہت شرما سر بھی کھجاتے رہے اور فیصلہ نہ کرسکے، یہ سب دیکھ کر نیوزی لینڈ کے کپتان بھی اپنی ہنسی نہ روک سکے۔
