فرمان الہی
نماز کے اوقات
کراچی (اسٹاف رپورٹر) پاکستان سپر لیگ ٹین میں تین لگاتار میچ ہارنے کے بعد ملتان سلطانز چوتھا میچ اپنے ہوم گرائونڈ ملتان میں منگل کو لاہور قلندرز کی مضبوط ٹیم کے خلاف کھیلے گی۔ لاہور نےشاہین آفریدی کی کپتانی میں تین میں سے دو میچ جیتے ہیں اور وہ پوائنٹس ٹیبل پر دوسرے نمبر پر ہے۔ لیکن ملتان کے کپتان محمد رضوان کا کہنا ہے کہ ہمارے اگلے دونوں میچز ہمارے فینز کے سامنے ہیں یہ اچھی بات ہے لیکن ہمیں اچھی کرکٹ کھیلنی ہوگی۔ فیلڈنگ پر توجہ دیناضروری، کیونکہ فیلڈنگ کی وجہ سے میچز ہمارے ہاتھ سے نکل رہے ہیں۔ فیلڈنگ پر قابو کرلیا تو ہمارا پورا ٹورنامنٹ اچھا ہوگا۔ اپنی فارم کے بارے میں یہی کہوں گا کہ جو دن گزرگیا وہ گزر گیا ، ہر دن نیا ہوتا ہے۔ لیکن میں اپنی پرفارمنس سے مطمئن ہوں۔ پی ایس ایل کے آخری چار فائنلز کھیلنے اور 2021 میں فاتح بننے والی ملتان سلطانز کو کراچی کنگز نے 4 وکٹ، اسلام آباد یونائیٹڈ نے 47 رنز اور پشاور زلمی نے120 رنز سےہرایا تھا۔ملتان سلطانز اور لاہور قلندرز کے درمیان پی ایس ایل میں ابتک19 میچز کھیلے جاچکے ہیں جن میں ملتان سلطانز نے10 جبکہ9 لاہور قلندرز نے جیتے ہیں۔
