• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور دھماکا، اقوام متحدہ اور سعودی عرب کی مذمت

تازہ ترین
بین الاقوامی خبریں
31 جنوری ، 2023
پشاور دھماکا، اقوام متحدہ اور سعودی عرب کی مذمت

سیکریٹری جنرل اقوام متحدہ انتونیو گوتریس نے پشاور دھماکے کی سخت الفاظ میں مذمت کی ہے۔

اپنے بیان میں انہوں نے کہا کہ یہ خاص طور پر قابل نفرت ہے کہ اس طرح کا حملہ عبادت گاہ پر ہوا۔

دوسری جانب سعودی عرب نے بھی پشاور پولیس لائنز میں دھماکے کی شدید مذمت کی ہے۔

پشاور دھماکا، شہداء کی تعداد 72 ہوگئی، 157 زخمی

شہداء میں ڈی ایس پی عرب نواز، 5 سب انسپکٹرز، مسجد کا پیش امام اور ملحقہ پولیس کوارٹر کی رہائشی خاتون بھی شامل ہے، دھماکے کے بعد ریسکیو کارروائیاں رات میں بھی جاری رہیں۔

سعودی وزارت خارجہ نے کہا کہ عبادت گاہوں پر حملہ، پُرامن لوگوں کو دھمکانا اور بے گناہوں کا خون بہانا قابل مذمت ہے۔

سعودی حکام نے کہا کہ ہر قسم کی دہشتگردی کے خلاف سعودی عرب برادر ملک پاکستان کے ساتھ کھڑا ہے۔

بین الاقوامی خبریں سے مزید