• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بابر غوری ایم کیو ایم کا حصہ ہیں یا نہیں اس کی وضاحت وہ خود کریں گے، رؤف صدیقی

تازہ ترین
قومی خبریں
01 فروری ، 2023
فائل فوٹو
فائل فوٹو

متحدہ قومی موومنٹ (ایم کیو ایم) پاکستان کے رہنما رؤف صدیقی نے کہا ہے کہ بابر غوری ایم کیو ایم کا حصہ ہیں یا نہیں اس کی وضاحت وہ خود کریں گے۔

کراچی میں سندھ ہائیکورٹ کے باہر میڈیا سے گفتگو کرتے ہوئے انہوں نے کہا کہ بابر غوری ہو یا رضا ہارون سب کے لیے دروازے کھلے ہوئے ہیں۔

رؤف صدیقی نے کہا کہ جو بھی آئینِ پاکستان کے ساتھ کھڑا ہے اس کو معافی ملنی چاہیے۔

انہوں نے کہا کہ پاکستان کو بہت نقصان ہوچکا ہے اب آگے بڑھنے کا وقت ہے۔

اس موقع پر صحافی نے رؤف صدیقی سے پوچھا کہ قاتلوں اور دہشت گردوں کے لیے بھی آپ معافی کا مطالبہ کر رہے ہیں؟

اس سوال کا جواب دیتے ہوئے انہوں نے کہا کہ قتل اور دیگر الزامات کا فیصلہ عدالت کرے گی۔

بابر غوری کو کیوں حراست میں نہیں لیا؟ ایف آئی اے حکام نے بتا دیا

سابق وفاقی وزیر، رہنما ایم کیو ایم بابر غوری وطن واپس پہنچ گئے، انہیں مختلف مقدمات کا سامنا ہے تاہم انہیں وطن واپسی پر ایف آئی اے نے حراست میں نہیں لیا ہے۔

ایم کیو ایم پاکستان کے رہنما نے کہا کہ بلوچستان اور دیگر حصوں میں بھی جہاں نفرت کے بیچ بوئے گئے ہیں انہیں معاف کیا جائے۔

رؤف صدیقی نے کہا کہ کراچی اور حیدرآباد کی غیرمنصفانہ حلقہ بندیوں سے لسانی تقسیم پیدا کی گئی۔

قومی خبریں سے مزید