فرمان الہی
نماز کے اوقات
عالمی ایٹمی توانائی ایجنسی (آئی اے ای اے ) کے ڈی جی رفائیل ماریانو گروسی وفد کے ہمراہ 2 روزہ دورے پر اسلام آباد پہنچ گئے۔
سرکاری ذرائع کے مطابق اپنے دورۂ پاکستان کے دوران آئی اے ای اے کے سربراہ وزیرِ اعظم شہباز شریف اور وزیرِ خارجہ بلاول بھٹو زرداری سے الگ الگ ملاقاتیں کریں گے۔
ذرائع نے بتایا ہے کہ آئی اے ای اے کے سربراہ پاکستان اٹامک انرجی کمیشن کے حکام سے بھی ملاقاتیں کریں گے۔
ذرائع نے بتایا ہے کہ پاکستان کے ویانا میں سفیر آفتاب کھوکھر بھی ان کے ہمراہ ملاقاتوں میں شریک ہوں گے۔
آئی اے ای اے کے ڈائریکٹر جنرل پاکستانی حکام سے اعلیٰ سطح کی ملاقاتیں کریں گے۔
آئی اے ای اے حکام ایٹمی ٹیکنالوجی استعمال کرنے والے مخصوص اداروں کے دورے بھی کریں گے، جن میں صحت، زراعت، صنعت اور بجلی کی پیداوار کے ادارے شامل ہیں۔
ترجمان دفترِ خارجہ کا کہنا ہے کہ آئی اے ای اے حکام کے دورے سے سماجی و اقتصادی ترقی میں ایٹمی ٹیکنالوجی کے پُرامن استعمال میں تعاون مضبوط ہو گا۔
واضح رہے کہ پاکستان 1957ء سے آئی اے ای اے کا بانی رکن ہے۔
