وہاب ریاض نے مشیر کھیل کا چارج سنبھال لیا

وہاب ریاض نے نیشنل ہاکی اسٹیڈیم میں نگران وزیراعلیٰ پنجاب کے مشیر برائے اسپورٹس اینڈ یوتھ افیئرز کا چارج سنبھال لیا۔

سیکرٹری اسپورٹس پنجاب شاہد زمان اور ڈی جی اسپورٹس پنجاب محمد طارق قریشی نے وہاب ریاض سے ملاقات کر کے انہیں کھیلوں کے امور کے بارے میں بریفنگ دی۔

اس موقع پر وہاب ریاض نے کہا کہ اسپورٹس کی ترقی کے لیے ہر ممکن اقدامات اٹھائے جائیں گے۔

وہاب ریاض نے کہا کہ نوجوانوں کو زیادہ سے زیادہ کھیلوں کی سرگرمیوں میں حصہ لینا چاہیے، اسپورٹس زندگی میں ڈسپلن لاتا ہے۔

مشیر برائے اسپورٹس اینڈ یوتھ افیئرز نے کہا کہ کھیلوں کی ترقی کے لیے تمام وسائل بروئے کار لائے جائیں گے، اسپورٹس کے فروغ کے لیے سب کو ساتھ لے کر چلیں گے۔