مذہبی رہنما پر قاتلانہ حملے کی سی سی ٹی وی فوٹیج سامنے آ گئی

نیو کراچی میں مذہبی رہنما سلیم کھتری پر قاتلانہ حملے کی سی سی ٹی وی فوٹیج سامنے آ گئی۔

فوٹیج میں دو افراد کو دکان کی طرف جاتے دیکھا جا سکتا ہے۔ دوکان پر پہنچ کر ملزمان نے فائرنگ کی۔

رہنما اہلسنت و الجماعت کراچی سلیم کھتری قاتلانہ حملے میں جاں بحق

اہلسنت و الجماعت کراچی کے رہنما اور صوبائی قانونی مشیر سلیم کھتری نیو کراچی میں قاتلانہ حملے میں فائرنگ کے نتیجے میں جاں بحق ہو گئے۔

فائرنگ کرکے ملزمان کو بھاگتے ہوئے دیکھا جا سکتا ہے۔ ملزمان نے مین روڈ پر موٹر سائیکل کھڑی کی ہوئی تھی۔

پولیس کے مطابق اس قاتلانہ حملے کی واردات میں چار ملزمان تھے۔ دو ملزمان دوکان کے قریب آئے اور مقتول سلیم کھتری کو ٹارگٹ کیا۔

پولیس کا کہنا ہے کہ دو ملزمان بیک اپ پر موجود تھے۔ سی سی ٹی وی کی مدد اور دیگر شواہد سے پولیس نے ملزمان کی تلاش شروع کردی۔