فرمان الہی
نماز کے اوقات
عرب لیگ نے القدس کے دفاع کے لیے سفارتی مہم چلانے کا اعلان کر دیا۔
سعودی میڈیا کے مطابق اسرائیل کی جانب سے مسجدِ اقصیٰ میں حملوں کے خلاف عرب لیگ کا ہنگامی اجلاس مصر کے دارالحکومت قاہرہ میں منعقد ہوا ہے۔
اجلاس میں رمضان المبارک میں اسرائیل کے مسجدِ اقصیٰ پر حملے اور اس کی حرمت کو پامال کرنے کی شدید مذمت کی گئی۔
اجلاس کے حوالے سے عرب لیگ کے اعلامیے میں کہا گیا ہے کہ مسجدِ اقصیٰ میں اسرائیلی فوجی کا اقدام انسانی اور عالمی قوانین کی خلاف ورزی ہے۔
عرب لیگ کا یہ بھی کہنا ہے کہ تازہ صورتِ حال کا جائزہ لینے کے لیے اس حوالے سے اجلاس جاری رہے گا۔
واضح رہے کہ اسرائیلی فورسز نے 1 روز قبل مسجد اقصٰی پر حملہ کر دیا تھا جس کے نتیجے میں 12 فلسطینی زخمی ہو گئے جبکہ اسرائیلی پولیس نے 350 سے زائد فلسطینیوں کو حراست میں لے لیا تھا۔
اردن، مصر اور فلسطین کی جانب سے اس حوالے سے عرب لیگ کا ہنگامی اجلاس بلانے کا مطالبہ کیا گیا تھا۔
