فرمان الہی
نماز کے اوقات
آج سے ملک بھر میں ذیلی پولیو مہم کا آغاز ہو گیا ہے جس میں 23 ملین سے زیادہ بچوں کوحفاظتی قطرے پلوانے کا ہدف مقرر کیا گیا ہے۔
ترجمان وزارت صحت کے مطابق پولیو مہم دو مرحلوں میں ہو رہی ہے، پہلا مرحلہ 15 سے19 مئی تک ہے، اس دوران پنجاب کے 12، بلوچستان کے 18 اور سندھ کے 17 اضلاع میں پولیو مہم کے تحت بچوں کو حفاظتی قطرے پلائے جائیں گے۔
ترجمان وزارت صحت کے مطابق دوسرے مرحلے میں، 22 سے 26 مئی تک پولیو مہم کے تحت خیبرپختونخوا کے 18 اضلاع میں حفاظتی قطرے پلائے جائیں گے۔
وفاقی وزیر برائے صحت عبدالقادرپٹیل نے پولیو مہم کے آغاز پر اپنے بیان میں کہا ہے کہ پولیو کے خاتمے تک چین سےنہیں بیٹھیں گے، والدین سے اپیل ہے کہ اپنے بچوں کو پولیو کے قطرے ضرور پلوائیں۔
عبدالقادر پٹیل نے کہا ہے کہ بچے ہمارا مستقبل ہیں ان کو مستقل معذوری سے بچانا ہے، 29 مئی سے5 جون تک جنوبی خیبرپختونخوا کے7 اضلاع میں مہم ہوگی۔
اُن کا کہنا ہے کہ تقریباً ایک لاکھ سے زیادہ تربیت یافتہ صحت محافظ انسدادِ پولیو مہم کا حصہ ہیں۔
